1299.02.21

Noverint universi quod nos frater Raymundus de Falcibus Castellanus Montissoni, atendentes multa grata servicia que vos Bonanatus Macarech clericus nobis et Templo fecistis et facietis prestante domino in futuro, de assensu, consilio et voluntate fratris Guillelmi de Castro Veteri, fratris Arnaldi de Baynuls, fratris Berengarii ca Rovira comendatoris Confite, fratris Guillelmi dez Bach, fratris Raymundi de Ontiynena, fratris Borracii de Cervaria camerarii, fratris Petri de Turre vicarii Sancti Johannis, fratris Bernardi de Rayols comendatoris ville et omnium aliorum fratrum conventus Monssoni, per nos et omnes successores nostros damus et concedimus vobis jamdicto Bonanato in beneficium personale ecclesiam nostrum beati Petri de Crespano diebus omnibus vite vestre, cum omnibus decimis, oblacionibus, defunccionibus, lexis et omnibus aliis iuribus pertinentibus seu pertinere debentibus quoquo modo ad dictam ecclesiam prout antecessores vestri eam melius et plenius habere actenus consueverunt.

Damus etiam et concedimus vobis jamdicto Bonanato victum in domo nostra de Confita sicut datur uni ex fratribus ibi existentibus diebus omnibus vite vestre.

Ita tamen et sub tali condicione predictam ecclesiam et alia vobis concedimus atque damus quod vos teneamini eam decantare et servire bene et honorifice ad honorem dei et beati Petri apostoli sicut decet et est actenus fieri consuetum.

Et de omnibus redditibus, proventibus et exitibus que inde habueritis detis nobis et fratribus Templi successoribus nostris quartam partem fideliter atque bene.

Que dicta quarta pars vel quartum nobis et Templo integer retinemus ad omnes nostras nostrorumque voluntates inde perpetuo faciendas.

Teneamini insuper predictam ecclesiam pro posse vestro in libris, vestimentis et aliis necessariis ornamentis meliorare et augere taliter quod dues et nos debeamus inde esse paccati, et in ecclesia beate Marie de Confita tenere locum diachoni et esse omnibus horis diurnis partier et nocturnis que in dicta ecclesia nostra de Confita celebrabuntur.

Et si contingerit vicarium predicte ecclesie de Confita qui modo est vel qui pro tempore fuerit infirmari vel ire ad aliquam partem propter utilitatem et comodum predicte domus noste de Confita quod vos teneamini esse ibi in locum vicarii et facere officium vicarii sicut decet.

Pretera sitis ibi simper nobis et fratribus Templi bonus, legalis, fidelis, obediens et devotus, et non inducatis ibi alium dominum vel patronum nisi nos et successors nostros fratres Templi tantum;

et nunquam per vos aut per alium aliquid petatis vel petere faciatis ultra hoc quod a nobis vobis datum est superius et concessum in omnibus hiis que nobis et nostris ibidem retinemus.

Post obitum vero vestri predictam ecclesium cum melioramentis omnibus ibi factis remaneat atque redeat nobis ac domui et fratribus Templi sine omni inquietacione, paciffice et in pace.

Ego autem Bonanatus Macarech clericus prenominatus recipiens humiliter et benigne hanc donacionem et gratiam dicte ecclesie a vobis venerabilibus dominis Castellano et fratribus memoratis mihi factam superius et concessam promito deo et vobis bona fide et legalitate omnia et singula que pro vobis notate sunt superius et expressa pro possibilitate mea facere, atendere et complere et non in aliquo violare.

Quod est actum IX. kalendas marcii anno domini millesimo CC. nonagesimo octavo.

Signum fratris Raymundi de Falcibus predicti Castellani Monssoni. Signum fratris Guillelmi de Castro Veteri. Signum fratris Arnaldi de Baynuls. Signum fratris Berengarii ca Rovira comendatoris Confite. Signum fratris Guillelmi dez Bach. Signum fratris Raymundi de Ontiynena. Signum fratris Borracii de Cervaria dicti camerarii. Signum fratris Petri de Turre. Signum fratris Bernardi de Rayols.

Nos omnes fratres prenominati qui hoc per nos et successors nostros laudamus, concedimus et firmamus, testes rogamus et scribere mandamus.

Signum mei Bonanati Macarech predicti qui omnia subradicta laudo, approbo, concede atque firmo. Signum Johannis Garssie de Alfocea. Signum Guillelmi de Siscar, scutiferorum dicti domini Castellani testium huius rey.

Bernardi de Pulcropodio notarii publici castri Montissoni signum qui hoc scripsit.