1295.06.19

Sit omnibus notum quod nos frater Romeus Burgueti comendator domus milicie Templi Barchione, attendentes quod melius et utilius est nobis et dicte domui quod mansus subscriptus cum omnibus honoribus et possessionibus suis detur in emphiteosim ad censum et agrarium inferius nominatum quam tenere eum ad laboracionem propriam dicte domus, idcirco habita licencia et mandato a venerabili domino fratre Berengario de Cardona magistro domorum milicie Templi Aragonia et Cathalonia qui prdictis conseciit de consilio comendatorum et fratrum in capitulo generali congregatorum, damus et stibilimus per nos et successores nostros comendatores predicte domus vobis Petro Guasqui et Dulcie uxori vestre de parrochia Sancti Stephani de Parietibus vestris et cui sive quibus volueritis perpetuo ad bene laborandum, meliorandum, habendum et tenendum et perpetuo in sana pace possidendum quendam mansum nostrum cum omnibus honoribus et possessionibus suis, cultis et heremis, in montibus et planis, per omnia loca et cum vinea et cum arboribus diversorum generum et cum introitibus et exitibus et omnibus eius pertinenciis et tenedonibus et cum columbario quod possitis facere quocumque volueritis infra tenedones predicti mansi, quod tamen non excedat magnitudinem aliorum columbariorum predicte parrochie.

Quem mansum predicta domus nostra per alodium franchum habet in predicta parrochia Sancti Stephani de Parietibus et quem nos consuevimus tenere ad propriam culturam dicte domus; sicut terminator predictus mansus cum omnibus honoribus et possessionibus suis predictis ab oriente partim in tenedone Raimundi Plano alodio ecclesie Sancti Stephani et partim in tenedone vestra alodio predicte domus et den Pedros et partim in tenedonibus Berengarii Guasch et Luppeti alodio predicte domus nostre et partim in alodio Sancti Christophori de Licano; ab occidente partim in flumine aque riarie de Parietibus et partim in via pulica; a meridie partim in tenedone Raimundi de Plano alodio Sancti Michaelis et partim in tenedone vestra et predicti Luppeti alodio predicte domus nostre; a circii in alodio Sancti Christophori de Lizano et in tenedone mansi de Tereu alodio Poncii de Turri.

Jam dictum itaque mansum cum omnibus honoribus et possessionibus suis cultis et heremis, in montibus et planis, per omnia loca et cum vinea et cum arboribus diversorum generum et cum introitibibus et exitibus et omnibus eius pertinenciis et tenedonibus et cum columbario quod possitis facere quocumque volueritis infra tenedones predicti mansi, quod tamen non excedat magnitudinem aliorum columbariorum predicte parrochie, vos et vestri et progenies atque posteritas vestra habeatis, teneatis et possideatis in perpetuum pacifice et quiete, sub tali tamen condicione et pacto quod vos et vestri laboretis dictum mansum et omnes suas possessions tam vineas quam alias terras et quod faciatis residenciam personalem in dicto manso et teneatis condirectum ipsum; et quod sitis vos et vestri simper videlicet quicumque fuerit heres seu possessor mansi predicti hominess proprii solidi et affogati domus predicte; et quod detis vos et vestri sine omni missione dicte domus nobis et successoribus nostris comendatoribus predicte domus de omni expleto quod dues ibi dederit, exceptis paleis et arboribus et except quodam cepo quod est ante januam dicti mansi, terciam partem fideliter et decimum quod nos consuevimus recipere et retinere in possessionibus supradictis.

Detis etiam vos vestri nobis et successoribus nostris comendatoribus predicte domus pro censu domorum et orti sicut jam fexuriatus est et columbaria, si quod ibi feceritis, unum par caponum bonorum et receptibilium annuatim solvendorum in festo nathalis domini.

In his autem non proclametis neque faciatis vos vel vestri alium dominum sive dominos nisi tantum nos et successores nostros comendatores predicte domus.

Liceatque vobis et vestris post dies XXX., ex quo in nobis et successoribus nostris comendatoribus dicte domus faticam inveneritis, presentem adquisitionem cum omnibus melioramentis que ibi feceritis vendere et impignorare sive eciam alienare vestro consimili et vestrorum, salvo tamen semper in omnibus et per omnia jure, censu, agrario, senioratico at fatica XXX. Dierum predicte domus Templi et comendatoris eiusdem.

Pro hoc autem stabilimento confitemur nos habuisse et recepisse a vobis unam libram cere, super qua renunciamus excepcioni cere non habite et non recepte.

Promitimus insuper vobis quod faciemus vos et vestros et quos volueritis totam predictam adquisicionem cum omnibus melioramentis que ibi feceritis habere, tenere et possidere in pace perpetuo contra omnes personas.

Et pro his complendis obligamus vobis et vestris omnia bona predicte domus mobilia et immobilia quecumque sint et ubicumque.

Actum est hoc terciodecimo kalendas julii anno domini millesimo CC. nonogesimo quinto.

Signum fratris Romei Burgueti comendatoris predicti qui hoc firmo salvo jure et domino Templi. Signum fratris Berengarii de Cardona magistri domorum milicie Templi in Aragonia et Cathalonia, qui predictis consencio. Testes huius rei sunt Petrus Saturnini clericus, Raimundus Ferrarii, Guillelmus de Ladernosa, Berengarius Oliba et Petrus Stagneolis. Signum Arnaldi magistri notarii publici Barchinonensis qui hoc scripsit et clausit die et anno quo supra.