1290.08.31.

Conegude cause sie qu'en fray Helies Amaniu comenday de las mayzons de la cauareyrie deu Temple en Guascombe, procurador generau deu fray Gaufrer Ucher generau visitedor de les maysons deu Temple en los regnes de France e d'Angleterre, segunt que a mi semblant ere que ere continut en letre sagerade deu saget deu dit en fray Gaufre Ucher, le tenot de la quau ere tau e assi comense:

[It follows the letter of power by the visitator dated 24 March, 1289] / [...]

Per si e per totz saus successors, de voluntat e d'autrey e expres consentiment deu frair Jaufrer Coroter, tient loc de le mayson de le Torte; deu fray Seguin d'Arrambert, tient loc de Gruer; deu fray Ar. Guillem de Linxe, fray deu Temple; ha enfeuat à [Arnaud Ar]remont, calonge d'Ax et à sons hers e à son ordeinh tote le mayson aperade deu Temple de Camon, terras, bestes lanee, praytz, aygues ..... maysons, desmes, hongs, et totes autres / causes, quaus quessien e ons quessien, e [quan ques] sien, qui a le lite mayson de Camon aparthien ... aparthienses, le quau mayson es en l'abescat Dax, de queste prosman feste de santa Marie Magdalene, qui passade es en VI ans ... per c. s. de Morlanx, de assantament que lodit n'Arnaud Arremon e sons hers e son ordeinh ne deu dar audit comanday e assons successors o à son mon toz ans an par an, lo die de sent Martin d'iuern, datz tremes à le Torte. E per xxii libres de Morlans que lodit comandair e frais recon[ogu]euron que lo dit n'Ar. Arremon ha mes en les obres de ledite mayson à esguart de lor.

E lodit comanday deu lon portar bone e ferme guarenthie ... enuers tot lodit termi. E d'asso ha obligat totz les beys de las maysons deu Temple en Guascionhe ab lors aparthiences. E es assaber que si Dius faze sen comandament deudit n'ar. Airemon dedens lo temps de vi ans, e lo medix n'Ar. Airemon haue feyt obres en ledite mayson o feyt feyre, [lo] medix comandair o sons successors ac deuen enmendar à l'ordeinh deu dit n'Ar. Arremoin. E per arreson de les xxii libres messes en les dites obres ... per lo gaudiment que deu / tier dou temps que armayr deus VI ans. E lodit n'Ar. Arremon deu tier par fray deu Temple ... de Camon, e far messions cum de vesti: e deminjar e de caussar. E es assaber que quan ome vienra au termi deus diz vi ans, lodit n'Ar. Airemon ... deu arremaner sout e quitis e desembargat de tot embarc deu son temps, siheiz [?] que noy pusque arrey domanar per obres que agosse feytes [de las] dites xxii libres messes en les obres.

Actum fuit die exitus Augusti, anno domini M^o CC^o XC^o, regnante Euddoard rey d'Anglaterre, Ar.[naut], abesque d'Ax ... Seguin, mayre.

Testimonis son: en Guiraut Diuarte, caperan de Sent Perre deu Vic; Johan dou Sens, clerc; en Pes de Loran; n'Ar.de Sent M... Firbent; en Vidau de Marqz.

Et magister Johannes de Medulto, quondam notarius civitatis Aquensis, qui hoc presens publicum instrumentum retinuit et in suo registro conservavit.