1288.05.31.

Universis presentes litteras inspecturis frater Gaufredus de Ucherio, domus militie Templi in regnis Francie et Anglie generalis ac humilis visitator, salutem in domino.

Noveritis quod de fratrum meorum consilio et assensu fratrem Heliam Amanem, preceptorem domorum nostrarum Burdig[alie] et de Gasconia, fecimus, constituimus et ordinamus generalem procuratorem nostrum, sindicum et actorem in omnibus causis et negotiis, quas vel que nos vel fratres nostri movimus, movemus seu moturi sumus, habemus seu habituri sumus, tam {81} agendo quam defendendo contra quascumque personas tam ecclesiasticas quam etiam seculares coram quibuscunque judicibus ordinariis, extraordinariis, delegatis, subdelegatis, arbritis, arbitratoribus, regibus, principibus, comitibus, vicecomitibus, baronibus, ballivis, senescallis, prepositis, conservatoribus et aliis quibuscunque, dantes et concedentes eidem procuratori nostro et fratrum nostrorum nomine plenam et liberam potestatem et speciale mandatum agendi, deffendendi, ponendi, respondendi, excipiendi, replicandi, diem vel dies acceptandi et contumandi eosdem, litem arrestandi, appellandi si necesse fuerit, appellationemque innovandi ac proferendi eandem, jurandi in animas nostram et fratrum nostrorum, de calumpnia seu de veritate dicenda in judicio principale que super expen[...] expen[...] seu iudicatum et recipiendi nomine domus Templi, componendi, compromitendi et compromissiorum bullandi, pena, iura [...] alia firmitate advocandique homines nostros petendique nostram curiam de eisdem ipsos faciendi et procuratores unum vel plures loco sui substituendi vel [...] revocandi eos, quotiens viderit expedire et alia omnia singula faciendi, quo nos vel fratres nostri faceremus seu facere possemus, si presentes essemus coram [...] supradictis vel altero eo diebus assignatis vel etiam assignandis, ratum et firmum habentes et habituri quicquid per dictum procuratorem nostrum vel per substitutum ab ipso in predictis causis seu negotiis coram dictis judicibus diebus quibuscunque actum fuerit seu etiam procuratorum promittentes sub ypotheca bonorum dictarum domorum pro ipso seu pro substituendo ab ipso, si necesse fuerit judicatum solvi cum suis elis relevantes ipsos seu quemlibet ab omni o[...]ne satisdamus non intendentes procuratores nostros revocare.

In quorum omnium premissorum testimonium presentibus litteris sigillum nostrum, quo unico utimur, duximus apponendum ad hoc significandum omnibus, quorum interest seu interesse poterit vel debet interesse.