1282.07.07.

7 July, 1282.
Phillip III King of France to his seneschalls, bailliffs and vicounts in Normandy: orders to preserve the things belonging to the Templars so that they can collect them on their domains; Jean de Turno treasurer of the Temple in Paris as responsor. - Rouen, Bibliothèque publique, Cartulaire de Normandie, fol. 66v. - Register, end of 13th cent., parchment, quarto, 89 fols., probably by one scribe from the bailiwick of Caen. - Edition in Cartulaire normand, no. 993, 255.

Philippus, Dei gratia Francorum rex, senescallis, ballivis, prepositis , vicecomitibus, et aliis suis justitiariis , ad quos presentes littere pervenerint, salutem.

Scire vos volumus quod res fratrum milicie Templi in vestris potestatibus existentes, saisitas in manu vestra, ratione acquisitionum per ipsos factarum a XXX annis citra, volumus sibi recredi, ita quod ipsi blada hujusmodi acquisicionum sine impedimento saisationis vestre possint colligere, et in suis granchiis reponere, et nos de premissis dilectum nostrum fratrem Johannem de Turno, thesaurarium Templi Parisius, recepimus responsorem. Unde vobis mandamus quatinus predictos fratres contra predicta non molestetis aut molestari sustineatis.

Actum apud Sanctum Germanum in Laia, die martis post octavas apostolorum Petri et Pauli, anno domini M° CC° octogesimo secundo.

first adaptation 05.02.2009 Jürgen Sarnowsky / revised 05.02.2009 /
not proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar