1281.05.19.

19 May, 1281
Pere de Montecathano Provincial Master of Aragon and Catalonia renounces all claims which the Templars of Corbins have raised against the people of Balaguer, Albesa and Menarguens for the destruction of houses, fields and animals caused by them in Corbins and confirms the receipt of their payment of 6.000 sol. - Barcelona, Institut d'Estudis Catalans, pergamins. Original parchment. - Edited Miret y Sans no. V 555.

Nouerint universi, quod nos frater Petrus de Montecathano domorum Milicie Templi in Aragonia et Cathalonia Magistro humilis de consilio et asensu fratris Guillelmi de Miraueto comendatoris Gardenny, fratris Geraldi de Corbela comendatoris de Corbins, fratris Raymundi de Sancto Daniolo socii nostri et plurium aliorum fratrum nostrorum per nos et omnes successores nostros et per omnes et singulos homines ville et terminis de Corbins

ex certa sciencia remitimus, absoluimus et perpetuo difinimus vobis omnibus et singulis hominibus vniuersitatum villarum Balaguerii, Albesie et Menargiarum omnes et singulas peticiones, acciones [...] nobis et Templo ac predictis hominibus nostris competentes vel competere debentes occasione dampnorum nobis ac Templo et dictis hominibus nostris a vobis et a singulis de dictis vniuersitatibus illatis in talis arborum et vinearum, in ignis inmisione domorum combustione animalium ac aliarum rerum predictis ac rapinis nobis et Templo et hominibus nostris predictis factis a vobis tempore quo inuasistis terminum ville de Corbins et alia loca terminorum suorum, facientes vobis et vestris et omnibus vniuersitatibus supradictis et singulis hominibus eorumdem solempni stipulacione interposita firmum et irreuocabile pactum de non agendo et de non petendo aliquid de premisis ymmo super eis nobis et successoribus nostris inponimus silencium sempiternum.

Confitentes nos habuise et recepise a vobis pro emenda et satisfaccione dicte invasionis et maleficiorum predictorum Vl. mile solidos monete jaccense, super quibus renunciatuus excepcioni non numerate peccunie [...].

Et ad maiorem eciam firmitatem hoc presens instrumentum nos Magistro predictus sigilli nostri munime fecimus roborari.

Quod est actum XIIII. Kalendas iunii anno domini MCCoLXXYo primo.

Sig + num fratris Petri de Monthecathano Magistri predicti.

Sig fratris Guillelmi de Miraveto comendatoris Gardennii.

Sig. fratris G. de Corbela comendatoris de Corbins.

Sig. fratris R. de Sancto Daniolo predicti, nos qui hec omnia laudamus, concedimus et firmamus.

Sig. B. Menaguarra.

Sig. B. de Bonansa presbiteri.

Sig. Bertolini de Caneto scutiferi dicti magistri testium huius rei.

Signum R. Sauine notario domini Magistri predicti qui hec de mandato eiusdem scripsit et clausit die et anno prefixo.


first adaptation 27.01.2009 Jürgen Sarnowsky / revised 27.01.2009 /
not proofread /
for any comments: send me an e-mail Juergen.Sarnowsky@uni-hamburg.de  (Jürgen Sarnowsky)


Back to the Calendar