1280.00.00

Une procuracion des freres du Temple.

A touz ceus qui ces lettres verront Jehan de s. Lienart, Garde de la Prevoste de Paris, salut.

Sachent tuit que nous lan de grace MCCLXXX et seze le jeudi deuant la feste Saint Mati lapostre veismes vnes lettres seellees contenant la forme qui sensuit.

Uniuersis presentes litteras inspecturis frater Guido deperando, preceptor domorum milicie templi in Francia salutem in domino.

Noueritis, quod nos de fratrum nostrorum consilio et assensu dilectum nostrum et fratrem Robertum de sancto Iusto, fratrem cappellanum nostrum, preceptorem domus nostre de Soniueresiis, exhibitorem presencium, procuratorem nostrum generalem, actorem, yconomum, syndicum et nuncium specialem et eciam generalem nomine nostro ac domorum templi et fratrum nostrorum constituimus, facimus et eciam ordinamus in omnibus causis et negociis, quas et que nos et fratres nostri habituri sumus et habemus, tam agendo quam deffendendo contra quascumque personas ecclesiasticas et seculares in iudicio et extra et coram quibuscumque iudicibus… excellentissimo ac serenissimo Francorum rege, euius bailliuis, prepositis et eorum allocatis in parlamento et extra et coram quibuscumque iudicibus, ordinariis, extraordinariis, delegatis, subdelegatis, conseruatoribus, arbitratoribus seu amicabilibus compositoribus et auditoribus quibuscumque, regibus, ducibus, comitibus vicecomitibus, baronibus, bailliuis, maioribus, scabinis, prepositis et eorum allocatis, consiliariis seu magistris ipsius domini regis tenentibus dies suas et placita in campania et escacariis normannie et alibi videlicet in regno Francie ab eodem deputatis et omnibus aliis iudicibus quauis preemineant potestate.

Dantes eidem procuratori nostro generalem potestatem et mandatum speciale agendi pro nobis et domibus nostris nosque deffendendi et domos nostras, conueniendi, reconueniendi, ponendi, posicionibus partis aduerse respondendi, litem contestandi, iuarndi in animam nostram et fratrum nostrorum de calumpnia seu de veritate decendi expensas rem iudicatam et debita petendi et recipiendi et iurandi super eisdem et prestandi quo[d]libet sacramentum quod in negocio exigitur seu causis, debitores quittandi, interlocutorias et diffinitiuas sentecias audiendi, appellandi, appellacionem prosequendi et eam innouandi, petendi beneficium restitutionis in integrum, iudicis officium implorandi et omnia faciendi que iudicialem indaginem exigunt et exposcunt, componendi, pacificandi, transigendi, compromitendi super rebus litigiosis deductsi in lite et deducendi[s] et eciam non deductis, pacem [seu] compromissum iuramento aut quauis alia firmitate vallandi, terminum compromissi seu pacis prorogandi, testes producendi quoscumque ac eciam de fratribus nostris et seruientibus nostris, si sibi visum fuerit expedire, curiam seu cognicionem a quocumque in quacumque curia hominum hospitum et iusticia bilium nostrorum petendi, limitationes inter hereditates nostras conuicinorum nostrorum faciendi et eas petendi et recipiendi easdem, contra nos ostensiones rerum litigiosarum et non litigiosarum petendi, faciendi recipiendi et assignandi, unum procuratorem aut plures instituendi et substituendi qui eandem potestatem habeat seu habeant in premissis, institutum uel substitutum, institutos uel substitutos reuocandi quando voluerit et viderit expedire et omnia et singula faciendi que nos et fratres nostri faceremus in omnibus causis et negociis tam in iudicio quam extra si presentes essemus uel etiam facere possemus, licet illa mandatum exigant speciale, ratum et gratum habentes et habituri pro nobis et fratribus nostris quicquid pro nobis et contra nos per dictum procuratorem nostrum uel cum eo uel eius institutum uel substitutum, institutos uel substitutos uel cum eis factum fuerit seu etiam procuratum promittentes pro ipso eius instituto uel substituto, institutis uel substitutis sub ypotheca rerum domorum nostrarum, si necesse potest significamus per presentes litteras sigilli nostri impressione sigillatas, datum anno domini millesimo CC nonagesimo quinto die mercurii post brandones (Invocavit). Et nous ou transcript de ces lettres auons mis le seel de la Prevoste de Paris sauf le droit de chascun.