1274.09.13.

13 September, 1274.
Pope Gregory X to master and brethren of the Templars: repeats the ordinance of Innocent [IV] and Alexander [IV] that the restrictions of the exemption for those who are regularly exempt from ecclesiastical courts are not valid for the Templars. - Valletta, National Library of Malta, Arch. 1128 [olim 1121], fol. 136r-v; calendar in Arch. 1127 [olim 1119], fol. 11r. Copy in register, Bullarium rubeum,; calendar. - Edited: Prutz, Malteser Urkunden, no. 348, pp. 79-80.

Gregorius episcopus servus servorum dei dilectis filiis magistro et fratribus domus militie Templi salutem et apostolicam benedictionem.

Licet in concessis {80} vobis ab apostolica sede privilegiis, ut asseritis, sit expressum, ut nullus episcopus vel archiepiscopus aut alius ordinarius vel officiales eorum possint in vos vel fratres vestri ordinis ubilibet commorantes excommunicationis, suspensionis vel interdicti sententias promulgare, ipsi tamen pretextu constitutionis pie memorie Innocentii pape predecessoris nostri et felicis recordationis Alexandri pape predecessoris nostri postmodum innovate, qua cavetur, ut exempti, quacumque gaudeant libertate, nichilominus ratione delicti vel contractus aut rei, de qua contra ipsos agitur, possint coram locorum ordinariis conveniri et illi, quoad hoc suam in ipsos jurisdictionem, prout ius exigit, exercere, interdum in vos et fratres vestros, quamvis iidem fratres ad domos vel loca ipsis ordinariis subjecta, ut vel illorum gerant regimen vel in eis tamquam proprii locorum ipsorum fratres resideant, non fuerint destinati, huiusmodi presumunt contra constitutionem premissam sententias promulgare.

Nos igitur constitutiones ipsas inviolabiliter observari volentes et vestris privilegiis minime derogari huiusmodi excommunicationis, suspensionis et interdicti proferri sententias contra eiusdem sedis indulta et constitutionis predicte tenorem auctoritate presentium districtius inhibemus, decernentes irritum et inane, si secus contra inhibitionem huiusmodi fuerit attemptatum.

Nulli ergo etc.

Datum Lugdun. Id. Septembris pontificatus anno III.

first adaptation 12.08.2022 Jürgen Sarnowsky /
proofread
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar