1267.07.15

In dei nomine amen.

Noverint universsi quod nos frater A. de Castro Novo domorum milicie Templi in Aragonia et Catalonia magister humilis de consilio et voluntate fratris R. de Villalba comendatoris Orte et fratris G. de Montegrino comendatoris Alhanbre et fratris Dalmacii de Serone comendatoris Ambelli et fratris G. de Castro Veteri et fratris P.

Dalbarels tenentis locum comendatoris Villeli et fratris Michaelis vicarii eiusdem et fratris O. de Timor et aliorum fratrum nostrorum per nos et successores nostros damus, concedimus et stabilimus in perpetuum vobis Ferag de Pali et Abrahym Algebez et Jubamestar et Abdella Azir Abeyanet et alii populatoribus sarracenis qui modo sunt vel in antea erunt ad populandum locum nostrum et alqueriam que notatur Bellestar que est in termino de Villelo cum domibus, ortis et ortalibus, agris et aliis hereditatibus heremis et populatis et terminis suis et pertinenciis iniversis; ita quod omnes hereditates predicte alquerie dividantur equaliter et quinyonentur inter XXX. sarracenos populatores eiusdem loci, exceptis quatuor hereditatibus quas chirstiani habent ibi prout eas tenent et fuerunt eisdem asignate, exceptis etiam domibus nostris turris sive statica superius posita, et excepta vinya et deffenssa quam ibidem habemus, que omnia retinemus ad opus nostri.

Retinemus similiter nobis furnum et molendina et simila que ad dominum spectant ac plenam jurisdiccionem et senyoraticum nostrum tam etiam in zofris quam rebus aliis universsis.

Predictas autem hereditates vobis damus et concedimus in hunc modum quod de omnibus bladis, vino, canamo, limo, ortaliciis et leguminibus et aliis omnibus fructibus et expletis et bonis que colligetis de eis detis vos et successores vestri nobis et successoribus nostris in perpetuum bene et fideliter quartam partem, et insuper dabitis nobis decimam et primiciam de omnibus que colligetis in hereditatibus antedictis.

Preterea de unaquaque domorum predictorum triginta sarracenorum eiusdem populatorem habeamus semel in mense quolibet pro zofra unum pedonum et Teplum det illa die qua eos habebit V. panes cuilibet prout est actenus consuetum.

Insuper dabitis nobis annuatim in festo nativitatis domini pro unaquaque XXX. hereditatem unum par gallinarum.

Item pro quolibet capite ovium et caprarum exivernatarum et pro qualibet arna apum detis nobis unum denarium annuatim in festo sancto Johannis babtiste; pro pollino vero equino et mulario dabitis XII. denarios , pro pollino asinio IIII. denarios et pro vezerro VI. denarios.

De nutrimentis similiter animalium, videlicet de agnis, capritis sive edulis et pullis et anseribus et sonsimilibus decimam et primiciam nobis dabitis bene et fideliter et tam de predictis omnibus prout scriptum est quam de omnibus aliis que dici vel intelligi posint tanquam hic singulare posita dabitis nobis quartam partem et decimam et primiciam et omnia alia jura nostra bene et integre.

Hec omnia faciendo et conplendo predictas hereditates habeatis, teneatis posideatis et explectetis vos et successores vestri.

Set si quis hereditatem aliquam vendere aut alienare voluerit non posit hoc facere nisi suo consimili sarraceno qui ibi stet et maneat asidue et hoc de licentia fratrum Templi et de hiis que pro alla vendicione habuerit det Templo fideliter quartam partem.

De vindemia autem quam in vineis quas in regano plantabitis colligetis quartam partem et predictam decimam et primiciam vestris expensis portabitis ad cellarium nostrum.

De hiis autem quas in secano plantabitis dabitis septimam partem et decimam et primiciam de omnibus fructibus quo colligetis in vineis de secano.

Nos autem predicti Ferath de Pali et Abrafim Algebez et Ajubamestar et Abdella Azir Abeyenet pro nobis et omnibus sarracenis presentibus et futuris ibidem habitantibus vel abitaturis hec omnia recepimus a vobis domino magistro et fratribus memoratis sub modis condicionibus antedictis, promitentes esse fideles vassali Templi et ibidem tenere hospicia nostra et predicta omnia et singula nec non et omnia alia jura vestra et servicia et ea que ad vestram jurisdiccionem vel senyoraticum pertineant dare et facere ac conplere bene et fideliter ut melius dici vel intelligi potest ad vestrum comodum et nostrorum.

Et nos dictus magister ut presens instrumentum maiori vigeat firmitate ipsum sigilli nostri munimine duximus roborandum.

Quod est actum idus julii anno domini M. CC. LX. septimo .

Signum fratris A. de Castro Novo magistri predicti. Signum fratris R. de Villalva comendatoris Orte. Signum fratris G. de Montegrino comendatoris Alhanbre. Signum fratris Damlacii de Serone comendatoris Ambelli. Signum fratris G. de Castroveteri. Signum fratris P- de Albarels tenentis locum comendatoris Villeli. Signum fratris Michaelis vicarii Villeli. Signum fratris P. de Timor, qui hoc concedimus et firmamus.

Ego Raymundus de Montanyana notarius domini magistri auctoritate regis publicus hoc scripsi et hoc signum feci.