1265.06.13.

13 June, 1265.
Pope Clement IV to the Abbot of St. Saturnin at Toulouse: orders to confirm and strengthen the excommunication against the members of the "Peace League" in Gascogne (magistrum et fratres fidei et pacis Auxitanae diocesis super castro de Manseta) hitherto ignored who are in conflict with Hospitallers and Templars for twelve years. If they do not comply within a month, the penance is to be intensified. - Valletta, National Library of Malta, Arch. 10, 24. Original. - Edited: Prutz, Malteser Urkunden, no. 332, pp. 28, 76-77.

Clemens episcopus servus servorum Dei dilecto filio N. abbati sancti Saturnini Tholosani salutem et apostolicam benedictionem.

Sua nobis dilecti filii prior et fratres Hospitalis Jerosolimitani {77} Tholosani petitione monstrarunt, quod cum inter ipsos et etiam tunc preceptorem et fratres militie Templi de Borderiis in Guasconia communiter ex parte una et magistrum et fratres fidei et pacis Auxitane dioceseos super Castro de Manseta eiusque pertinenciis ex altera coram [...] abbate sancti Saturnini et altero collegarum suorum, tercio committente eis super hoc, non tamen totaliter, vices suas auctoritate apostolica, questio verteretur, quia dicti magister et fratres citati legitime comparere coram eis in prefixo sibi termino peremptorio competenti contumaciter denegarunt, dicti abbas et collega propter huiusmodi contumaciam manifestam in eosdem magistrum et fratres excommunicationis sententiam exigente justitia promulgarunt, quam ipsi dampnabiliter contemnentes eam per duodecim annos et amplius sustinuerunt animo indurato.

Quare dicti prior et fratres humiliter petierunt, ut dictam excommunicationis sententiam firmitatis robur debitum obtinere eamque pro dictorum magistri et fratrum agravari protervia mandaremus. Quocirca discretioni tue per apostolica scripta mandamus, quatiuus sententiam ipsam, sicut rationabiliter est prolata, facias auctoritate nostra usque ad satisfactionem condignam appellatione remota inviolabiliter observari, et si eam dicti magister et fratres per unum mensem, postquam tibi constiterit ipsam rationabiliter fore latam, sustinere presumpserint, eam aggravare procures, prout magistri et fratrum protervitas exegerit eorundem.

Datum Perusii Id. Junii, anno pontificatus nostri primo.

first adaptation 11.08.2022 Jürgen Sarnowsky /
proofread
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar