1258.04.08.

Quod si aliqui fratres absque mandato preceptoris in Francia decimas per XL annos vel amplius aliquibus persolverlnt, nullum prejudicium generetur.

Alexander episcopus servus servorum dei dilectis filiis magistro et fratribus domus militie Templi salutem et apostolicam benedictionem.

Petitio vestra nobis exhibita continebat, quod, licet vobis a sede apostolica sit indultum, ut laborum vestrorum de possessionibus habitis ante consilium generale, quas propriis {67} manibus aut sumptibus colitis, nullus a vobis decimas exigere vel extorquere presumat, tamen quidam ex fratribus vestris regni Francie ignorante generali preceptore domorum vestrarum ipsius regni sine eius mandato et assensu agere vel contrahere, rem in judicium deducere seu negotia domorum ipsarum procurare non possint, per simplicitatem et ignorantiam decimas laborum de huius. modi possessionibus per 40 annos vel amplius persolverint.

Quare nobis humiliter supplicastis, ut providere vobis super hoc patema sollicitudine curaremus. Nos itaque vestris supplicationibus inclinati, ut per huiusmodi solutionem dictarum decimarum, nisi vos vel dictus preceptor domorum ipsarum, postquam hoc ad vestrum vel dicti preceptoris pervenit notitiam, supra persecutionem juris vestri super hoc tanto fueritifl tempore negligentes, quod contra vos super solutione predictarum decimarum legitime sit prescriptum, nullum vobis vel prefatis domibus prejudicium in posterum generetur, ne privilegiis vobis a sede apostolica concessis eadem derogari valeat, auctoritate vobis presentium indulgemus.

Nulli ergo etc.

Datum Viterbii 6. Id. April. pontificatus nostri anno quarto.