1257.02.01

01 February [1257]
Pope Alexander IV. orders the archbishop (Fulko) of Gniezno and bishop of (Prandota) of Krakow to initiate the foundation of an episcopal see in the castle of Lukow which was donated to the Temple as long as from this no disadvantage arises for the Teutonic Order. - Rome, Vatican. Archiv Reg. Vat. 25 fol 41 (R)
Edited Lüpke no.41, p.42

..archiepiscopo Gnesnensi et .. episcopo Cracoviensi.

Dilectus filius nobilis vir .. dux Cracovie et Sandomirie et dilecta in Christo filia Salomea monialis ordinis sancti Damiani quondam regina Gallicie soror predicti ducis necnon magister domus militie Templi in Alamania et Sclavonia nobis humiliter supplicarunt, ut castrum Lucov Cracoviensis diocesis ipsi magistro et fratribus militie Templi a prefato duce Cracovie et Sandomirie collatum, quod est in confinio Letwanorum et aliorum infidelium, statueremus esse de cetero civitatem et ecclesiam cathedralem ibidem erigere ac ipsi castro episcopalem dignitatem concedere necnon dilectum filium fratrem Bartholomeum de Boemia ordinis fratrum Minorum, qui contra predictos infideles pro negotio fidei in illis partibus diligenter laborat, in episcopum et pastorem inibi preficere, presertim cum ad id tuus, frater episcope, qui loci diocesanus existis, assensus acceda et ex hoc fidei catholice cultus possit in illis partibus aufgmentari non modicum, apostolica sollicitudine curaremus.

Nos igitur huiusmodi cultum fidei cupientes per orbem longius latiusque diffundi fraternitati vestre presentium auctoritate committimus, quatinus premissis omnibus provida meditatione pensatis, si hoc sine dilecti filii magistri et fratrum hospitalis sancte Marie Teutonicorum et aliorum preiudicio fieri poterit idque ad augmentum fidei cognoveritis redundare, ordinetis, statuatis ac faciatis auctoritate nostra super predictis, prout secundum deum incremento eiusdem fidei videritis expedire.

Contradictores etc. Dat. Laterani kalendis februarii, (pontificatus nostri) anno tertio.

first adaptation 26.07.2012 Wolfgang Höll
not proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar