1243.00.00.

[ca. 1243].
Frederick II Emperor and King of Sicily orders to warn the Templars not to continue their efforts at the Roman curia to receive the exemtion of the Temple in Jerusalem from his iurisdiction; otherwise he will confiscate their whole property. - Codex Vallicellensis, J 29, fol. 46. - XIIIth / XIVth cent. paper. - Edition in Acta imperii inedita, 1, no. 434, 368-70.

Mandat prohiberi Templariis, ne impet[r]ent contra ipsum ut templum domini a suo dominio abdicetur.

Ad audientiam celsitudinis nostre de novo pervenit, quod prior et fratres domus milicie Templi dilatant fimbrias suas perperam molientes et nostram in hoc excellentiam offen-{370}dere non verentes denuo nitantur nuncios(a) ad hoc specialiter destinatis a Romana curia impetrare, [ut] templum domini in Ierusalem a(b) nostro dominio abdicetur, in eo castrum contra honorem nostrum construere proponentes.

Quod quia videmus temere attemptatum in ipsius regni preiudicium et regnantis, dolosis (c)eorum conatibus(c) providimus obviandam, fidelitati tue mandantes, quatinus omnibus Templariis iurisdictionis tue per domos singulas eorundem districte precipias, quatinus nuncios revocent speciales et petitioni amplius non insistant, renuntiantes et pretermictentes omnino, si quid exinde impetratum fuerit per eosdem; alioquin, cum res ipsa sit nobis plurimum odiosa nec possemus eam pacienter aliquatenus tollerare, sciant se statim destituendos omnibus bonis mobilibus et immobilibus, que possident per regnum et imperium, ubi[cun]que prevalent vires nostre, ut penitentiam lugeant, qua se dignos fecerint inprobe contra nostrum beneplacitum actemptantes.

Quod per te prenunciari(d) volumus universis et singulis eorundem, faciens de mandato et prohibitione scriptum publicum ad cautelam et ipsam etiam in continenti ad curiam nostram mictas.

___________________________________________

(a) Ms. iniuriis.
(b) Ms. in.
(c) Ms. eum cognatibus.
(d) Ms. prenunciamini.


first adaptation 04.02.2009 Jürgen Sarnowsky / revised 04.02.2009 /
not proofread /
for any comments: send me an e-mail Juergen.Sarnowsky@uni-hamburg.de  (Jürgen Sarnowsky)


Back to the Calendar