1240.10.02

10 February [1240]
Bishop Thomas I of Breslau confirms the contract between the archidiacon Boguslaus of Breslau and the Templars regarding the tenth of Brosewitz. - Cop. Breslau diocese-archiv Liber Niger (14th cent.), fol. 427 (B)
Edited Lüpke no.20, p.24

In nomine domini amen.

Nos Thomas dei gracia Wratislauiensis episcopus notum facimus omnibus hanc paginam inspecturis, quod magister Boguslaus archydiaconus noster de consensu nostro et nostri capituli super decima de Brosecz prebende sue pertinenti cum fratribus milicie Templi tale pactum fecit, ut scilicet fratres iidem, si Theutonicis villam dictam dederint excolendam, ipsi domino archdiacono et suis successoribus eandem prebendam habituris nomine decime ipsius ville novem marcas argenti persolvant annuatim in omnem eventum in festo purificationis beate virginis Marie.

Si autem bobus propriis villam eandem excoluerint, octo marcas argenti dicto tempore pro decima anno quolibet domino archidiacono et suis successoribus persolvant, qualitercumque agriculturam suam disposerint.

Quod si dicti fratres pactum non tenuerint, liceat ipsi archidiacono vel suis successoribus decimam ex integro repetere ville memorate.

In cuius rei testimonium presentem paginam sigillo nostro et capituli nostri fecimus communiri.

Acta sunt hec in presentia nostra et canonicorum nostrorum Sdizlai, Pribizlai et Eccehardi, anno dominice incarnacionis MCCXL, III idus februarii.

first adaptation 05.06.2012 Wolfgang Höll
not proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar