1235.12.15.

Cum domus militie Templi ad Romanam ecclesiam nullo pertineat [mediante], nosque fratres ipsius ex quadam prerogativa diligamus gratie specialis, te procul dubio credimus invenire paratum, ut ea libens et promptus efficias, que de beneplacito nostro procedere et Apostolice Sedis honorinoveris expedire, et maxime per que ei et fratribus ejus grata vicissitudine respondere constringimur, et non minor ipsius, immo major, quam Sedis Apostolice utilitas procuratur.

Hinc est quod cum, propter diversitas necessitates Ecclesie Romane ex inopinato et sepius emergentes, interdum, pro eo quod tunc ad manus pecuniam non habemus, mutuum recipere, et in Camera nostra ob id mercatores, per quos quandoque fame derogatur Ecclesie, retinere cogamur: discretionem tuam monendam duximus attente et rogandam, per apostolica tibi scripta mandantes quatenus, sicut caram habes gratiam Apostolice Sedis et nostram, aliquem de fratribus tuis, discretum et conversationis honeste, concessis sibi quatuor milibus marcarum sterlingorum, ut ab eo, cum necessitas exigit, mutuum possimus accipere, quod ei loco et tempore debitis integre et absque qualibet difficultate reddemus, in eadem Camera moraturum, as nos, qui id gratum habebimus plurimum et acceptum, destinare absque more dispendio studeas, et nobis quid inde feceris, - rescribere non emittas: sciturus pro certo quod, si nostris in hac parte curaveris obedire mandatis, que, cum ad magnum honorem Ecclesie Romane pertineat et nichil exinde domui predicte deper[d]at, omnino impleri petimus et rogamus, nos perpetuo tuis et ejusdem militie constitues utilitatibus debitores.