1235.07.25.

In nomine sancte et individue Trinitatis, patris et filii, et spiritus sancti, amen.

Noverint universi presentem paginam inspecturi quod cum inter venerabilem fratrem A[rmandum] (1), magistrum domus milicie Templi, et fratres ejusdem domus ex una parte, et venerabilem fratrem G[erinum], magistrum domus Hospitalis sancti Johannis Jerosolimitani, et fratres ejusdem domus ex altera, super aqua et molendinis fluminis Acconensis quod descendit ex fonte Recordane, questio verteretur et super hoc fuisset diutius alter- / catum; tandem, inediantibus bonis viris, de consensu utriusque partis ad infrascriptam pacem et concordiam devenerunt, videlicet,

quod magister et fratres Templi habeant potestatem retinendi aquam que est supra molendina ipsorum, in tantum quod possit ascendere usque ad signaculum quod est factum in molendinis Hospitalis; et si volunt eam permittere uberius dicurrere, hoc sit in eorum beneplacito voluntatis. Et si contingeret quod opere ipsorum aqua prefata transiret signaculum memoratum, ipsi ad requisitionem Hospitalis hoc debent sine dilatione aliqua emendare. Et si fortassis per pluviuam vel tumedinem fluminis aqua excresceret memorata, ex hoc Templarii in aliquo non tenentur.

Magister vero Hospitalis et fratres Templariis promiserunt quod ipsi pro malo Templi non retinebunt aquam, nec ipsam dimittent uno ictu insimul discurrere pro malo seu damno ipsius domus Templi. Utraque vero domus, tam Templi quam Hospitalis, habeat plenariam potestatem ducendi de Accon libere barchas suas usque ad reclusam molendinorum Templi, et ibidem Hospitalarii possint exhonerare quidquid illuc veherint et honerare in barcha ipsorum quam habue- / rint supra prenominatam reclusam, causa eundi et veniendi libere usque ad propria molendina; hoc sane intellecto quod Hospitalarii possint habere a prenominata reclusa inferius unam barcham et superius aliam barcham, et in aqua eorum, si voluerint, possint habere plures, ita quidem quod si, occasione barcharum Hospitalis, in reclusa Templi dampnum aliquod fuerit irrogatum, domus Hospitalis illud dampnum debeat resarcire.

Neutra vero domorum debet aliquid opus vel aliquid aliud facere, propter quod barche predicte eundi et veniendi libere possint amittere cursum suum, et modo quo superius est expressum. Et si Templarii voluerint elevare ripas fluminis in terra Hospitalis, possint eas ubi alte sufficienter non fuerint elevare, scilicet usque ad punctum signaculi prelibati.

In cujus rei testimonium, ad eternam memoriam retinendum, ambe partes presentem paginam scribi fecerung et sigillis propriis sigillari, rogantes venerabiles patres H[ugonem] Nazarenum archiepiscopum, et R[adulphum] Acconensem episcopum, et nobilem virum O[donem] comestabulum regni Jerosolimitani, quod hanc eamdem paginam suorum sigillorum munimine roborarent, qui ad ipsa- / rum parcium instantiam ipsam suis munierunt sigillis.

Acta sunt hec in civitate Acconensi, anno domini M^o CC^o tricesimo quinto, mense Julii, in die beati Jacobi apostoli.