1230.08.00.

Cum omnes [res] stabiles, quibus domus hospitalis sancti Iohannis et Templi per nos, officiales seu quoscumque alios fideles nostros hactenus destitute fuere, velimus fratribus earundem domorum restitui, per omnia iure nobis competenti tam super possessione quam super proprietate [salvo], necnon et animalia sua, que in presenti discordia inter nos et ecclesiam orta ipsis ablata fuerunt, sive res(a) et animalia ipsa curia et officiales nostri seu quicumque alii teneant in presenti, preter illa, que nobis aut aliis fidelibus nostris dederant et vendiderant seu permutarunt, et pro restituendis rebus et animalibus ipsis fratribus dictarum domorum Goffridum de Secretario(b) iusticiarium et Berardum(c) de Suicino fideles nostros duxerimus specialiter statuendos, universitati vestre mandamus, sub obtentu gracie nostre firmiter inungentes, quatenus nullus vestrum tam(d) ausus sit, qui predictis Gofrido et socio eius, fidelibus nostris, quominus mandatum nostri culminis exequantur, in aliquo contrarium se opponat; quin immo vos, magister, iusticiarius, iusticiarii et alii officiales nostri predicti, restituentes ad requisicionem ipsorum ea, que de rebus et animalibus, ut dictum est, memoratis ad opus curie nostre tenetis, consilium et auxilium vestram eis efficaciter impendatis, qualiter mandatum nostrum de restituendis aliis, a quibuscumque detineantar, exequi valeant, sicut decet, et nos devocionem vestram possimus merito commendare(e).

___________________________________________

(a) Ms. re.
(b) Ms. Secreto.
(c) Ms. Berardo.
(d) Ms. ca.
(e) Ms. commendari.