1228.01.28.

28 January, 1228.
Pope Gregory IX forbids to take the tenth from the lands cultivated or newly cleared by the Templars. - Valletta, National Library of Malta, Arch. 1128 [olim 1121], 114r. Copy, register, Bullarium rubeum. - Edited: Prutz, Malteser Urkunden, no. 183, p. 53.

Gregorius episcopus servus servorum Dei dilectis filiis magistro et fratribus militie Templi salutem et apostolicam benedictionem.

Sic est acceptum et gratum vestre devotionis obsequium sicque necessarium toti populo christiano, ut petitiones vestras et audiamus libenter et favorabiliter etiam prosequamur.

Eapropter, in domino dilecti filii, vestris supplicationibus inclinati auctoritate presentium inhibemus, ut nullus a vobis de novalibus vestris a tempore concilii excultis vel imposterum propriis manibus vel sumptibus excolendis sive de ortis, virgultis, piscationibus , fenis, molendinis et vestrorum animalium nutrimentis decimas exigere vel extorquere presumat. Nulli ergo etc .

Datum Laterano 5 Kal. Februarii, pontificatus anno primo.

first adaptation 24.07.2022 Jürgen Sarnowsky /
not proofread
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar