1217.03.00.

In nomine Patris et Filii et Spiritus Sancti, amen.

Nos ego videlicet J. abbas et ego F. prior Sancte-Genovefe Parisiensis, judices a Sede apostolica delegati super querelis que vertuntur inter fratres milicue Templi, ex una parte, et vicecomitem Castriduni ex altera, tertio conjudice nostro priore Sancti-Elegii absente et legitime excusato, lite contestata, testibus hinc inde receptis et attestacionibus publicatis, auditis hinc inde coram nobis propositis et omnibus aliis rite actis, habito bonorum virorum concilio,

condempnamus dictum vicecomitem ad restituendum Templariis duos equos, quorum unum abstulit violenter Gileberto Roselli, homini Templariorum, alium Abbati, homini Templariorum. et ad restituendum quadrigam unum quam eidem Abbati homini Templariorum abstulit violenter, condempnamus etiam eumdem vicecomitem fratribus Templi ad restituendum xxx solidos, quos extorsit violenter a quodam homine Templariorum, qui dicitur Gener la Pigine, et ad restituendum marrinua ad valenciam IV librorum, que abstulit eidem homini, scilicet Gener de la Pigine.

Item decernimus vicecomitem contra justiciam in grave prejudicium Templariorum cepisse et incarceravisse fossarios, que faciebant fossata Templariorum. Item cum probatum sit coram nobis evidenter vicecomitem contra jus Templariorum fecisse falcari et curari aquam. que vulgo dicitur Aqua-Mortua, que fluit juxta molendinos Templariorum, qui dicuntur molendini de Buxeria, und multum dampnificavit sunt Templarii, condempnamus, per diffinitivam sententiam, dictum vicecomitem non posse facere falcari vel curari dictam aquam mortuam ad abbario, quod est in prato Arnulfi Veteris-Auris supra usque ad aquam, que fluit ad dictis molendinos.

Item condempnamus dictum vicecomitem cessare a vendicione et extirpatione nemorum suorum, que dicitur Deffensus vicecomitis. in quibus dicti fratres habent usuagia sua et pasturas porcorum suorum, donec assignaverit eis competentem satisfactionem de usagiis suis et pasturis; decernimus etiam diffinitive dictum vicecomitem injuste cepisse homines Templariorum, videlicet Natalegrum prepositum Templariorum [...]

Item dictum vicecomitem, in grave prejudicium Templariorum, contra justiciam, obturasse antiquas vias et cheminos, videlicet cheminum qui de villa Templariorum, que dicitur Templum, protenditur ad Montem-Dublellum, et cheminum qui de Templo protenditur ad Aridam-Willam et cheminum qui de Templo protenditur ad Castridunum [...], et facta taxacione [...] condempnamus dictum vicecomitem in octoginta marchiis pro dampnis que eis provenerunt ex predictis violenciis [...] quam summam contulimus Templariis contra vicecomitem absentem per contumaciam, presente procuratore Templariorum.