1216.09.00.a.

Fridericus secundus divina favente clementia Romanorum rex semper augustus et rex Sicilie.

Decet reges et principes eam, quam susceperant a domino, plenitudinem potestatis ecclesiis et locis venerabilibus tam grate quam diligentis cura provisionis adesse (1), ut potentie regalis communite presidio et quiete presentiam et securitate in posterum glorientur.

Inde est, quod frater Guillelmus de Antiochia, frater sacre domus milicie Templi Jherosolomitani, ad presentiam nostre maiestatis accedens ostendit nobis quoddam exemplar cuiusdam scripti roboratum subscriptionibus et sigillis M. Arelatensis archiepiscopi, S. Tolenensis episcopi, G. Aviniensis episcopi, per quod perpendimus, quod Hugo de Baucio et Barasa uxor eius et R. de Baucio et G. Aimardus et eius uxor Mabilia et R. Gaufridi et Rocellinus vicecomes Massilie concesserunt et donaverunt in perpetuum sacre domui {118} milicie templi Jherosolomitani, ut liceat fratribus eiusdem domus tam presentibus quam futuris in civitate Massilie et in toto dominio et tenimentis et iurisdictione civitatis eiusdem facere et habere navem vel naves et alia navigia, quecunque voluerint, in quibus possint navigare in partes ultramarinas vel Ispanie aut ad alias partes, quecunque voluerint, causa defendende(a) christianitatis et recolligere seu recipere in ipsis navibus vel navigiis peregrinos et mercatores et eorum pecuniam, cum voluerint, cum naulo et sine naulo inata arbitrium et voluntatem eorum.

Unde maiestati nostre attentius supplicavit, ut concessiones prescriptas nostra dignaretur serenitas confirmare. Nos autem attendentes religiosam devocionem et assiduos labores sacre milicie Templi Jherosolomitani, quos incessanter perferunt contra inimicos Christi, divine pietatis intuitu et de nostre munificentia maiestatis iam dictas donationes et concessiones ratas habemus et perpetuo confirmamus; mandantes et firmiter precipientes, ut quecunque persona alta vel humilis hanc nostram confirmationem violare presumpserit, xl. libras auri componat, quarum medietas camere nostre, altem vero passis iniuriam persolvatar.

Huius rei testes sant Albertus Madeburgensis archiepiscopus, Eccardus Mer[se]burgensis episcopus, Tidericus marchio Misnensis et Orientis, dux Meranie(b) et alii quamplures. Ut hec autem rata et firma permaneant, presens scriptum fieri fecimus sigillo nostre celsitudinis roboratum.