1211.06.10.

Innocentius episcopus, servus servorum dei. Venerabili fratri [...] archiepiscopo Messanensi salutem et apostolicam benedictionem.

Quanta personarum pericula quantasque rerum iacturas dilecti filii militie Templi fratres pro Christianorum sepe universitate sustineant, karissimo in Christo filio F. illustri regi Sicilie, cum per se intelligat, exprimi non oportet propter(a) quod ipsos fovere debent viri catholici, non gravare, cum onus pro Christianorum universitate susceptum satis eos aggravet et affligat.

Accepimus sane, quod post illatum ab ipso domui eorum de Messana thesaurarie gravamen volens addere afflictionem afflictis novas tallias et exactiones indebitas exigit ab eisdem, ipsos compellens ad reparandos muros civitatis Messane, ad quorum perfectionem omnes, quas habent ibidem, non sufficerent facultates, cum eadem domus propter malitiam temporis debitis multiplicibus oneretur et quidam de regno suo tam in elemosinis ad terre sancte subsidium deputatis quam in equitaturis et aliis ad hoc specialiter erogarint eisdem. Et licet super hiis de huiusmodi presumptionibus(b) ipsius domus fratres sibi frequenter deposuerint querelam [...], ab ipso solaminis preter verba plena [... nichil] consequi potuerunt.

Cum igitur ipsum non deceat viros religioni et honestati debitos molestare, sed eos potissimam defensare, celsitudinem regiam monemus atteate et hortamur, ut ab eorum super hiis gravamine, illius regis obtentu […], conquiescens, ipsos non permittat ab aliquibas molestari, sed contra malefactores suos eos protegat potius et defendat, ut ob [hec et] alia bona, que fecerat, domino concedente, adversus ipsum Ottonem(c) regnum suum divina potentia tueatur. Quocirca (d)fraternitati tue(d) per apostolica scripta mandamus, quatinus eundem regem ad id moneas efficaciter et inducas.