1210.09.17.

Atheniensi et Neopatrensi archiepiscopis et episcopo Davaliensi.

Gravem dilectorum filiorum fratrum militiae Templi recepimus quaestionem quod cum nobilis vir G. marchio Pelavicinus et Meboffa comestabulus quondam marchìonis Montisferrati^(a) quemdam locum qui Sydonius dicitur, pertinentem ad ipsos, iamdictis fratribus concesserint intuitu pietatis, et ipsi quoddam castrum ibidem ad defensionem tenue construxerint non absque gravibus laboribus et expensis, charissimus in Christo filius noster imperator Constantinopolitanus illustris castrorum ipsum cum pertinentiis suis et quaedem alia eis prò suae abstulit arbitrio voluntatis, quae quidam nobilis R. de Trabalia Citrensis dioecesis^(b) eius nomine in ipsorum fratrum detinet praeiudicium et gravamen: qui licet saepius super hoc obtinuerint scripta nostra, suam tamen ob ipsius imperatoris favorem et potentiam supradicti R. nequiverunt hactenus consequi rationem.

Cum igitur dictos fratres, qui prò servitio lesu Christi multis laboribus se exponunt, nolimus ab aliquibus indebite praegravari, per apostolica vobis scripta mandamus quatenus detentorem eiusdem castri et aliarum rerum monere prudenter et efficaciter inducere procuretis, ac si necesse fuerit, per excommunicationis in ipsum et in iam dictum castrum interdicti sententias, sublato appellationis obstaculo, compellatis ea omnia, sicut iustum fuerit, fratribus restituere memoratis; supradicto imperatori ex parte nostra nihilominus intimantes ut detentori praedicto vel aliis in eorumdem fratrum iniuriam vel gravamen nullum impendat auxilium vel favorem, cum ex hoc graviter oculos divinae maiestatis offendat.

Alioquin, quantumcumque sibi, utpote charissimo in Christo filio, deferre velimus, cum eorumdem fratrum tantam dissimulare iniuriam nequeamus, in ipsum etiam officii nostri debitum exsequi cogeremur. Quod si non omnes, etc., duo vestrum ea, etc.