1210.09.17.a.

[Atheniensi et Neopatrensi archiepiscopis et episcopo Davaliensi].

Dilectorum filiorum fratrum militiae Templi exposita nobis querimonia pateficit quod cum clarae memoriae Bonifacius marchio Montisferrati eis Ravennicam cum omnibus suis pentinentiis, honoribus et iuribus suis pia devotione contulerit ad subsidium Terrae Sanctae, prout in eius authentico super hoc confecto plenius continetur, et eamdem terram in vita marchionis ipsius pacifice possiderint et quiete, postmodum charissimus in Christo filius noster imperator Constantinopolitanus illustris ad partes illas accedens, supradictam terram eisdem abstulit violenter, quam quidam nobilis R. de Tribalia Citrensis diocesis^(a) eius nomine detinere praesumit in eorum praeiudicium et gravamen; et licet propter hoc saepius miserimus scripta nostra, dicti tamen fratres suam nequiverunt hactenus consequi rationem.

Cum igitur dictos fratres, qui pro servitio lesu Christi multis laboribus se exponunt, nolimus ab aliquibus indebite praegravari, per apostolica mandamus vobis scripta quatenus detentorem eiusdem castri et aliarum, etc. per totum ut in alia usque in finem [rerum monere prudenter et efficaciter inducere procuretis, ac si necesse fuerit, per excommunicationis in ipsum et in iam dictum castrum interdicti sententias, sublato appellationis obstaculo, compellatis ea omnia, sicut iustum fuerit, fratribus restituere memoratis; supradicto imperatori ex parte nostra nihilominus intimantes ut detentori praedicto vel aliis in eorumdem fratrum iniuriam vel gravamen nullum impendat auxilium vel favorem, cum ex hoc graviter oculos divinae maiestatis offendat.]. Quod si non omnes, etc., duo vestrum ea, etc.