1210.00.00.

1210.
Jean Count of Vendôme in an open letter: makes known that the Templars have come to him and informed him that his father Gaufridus de Lavardin, when he was ill in Jerusalem, gave them two carrueias land in Savigny. The brethren have humbly asked him to assign them the land which he holds there, and therefore he followed their plea. Petrus head (major) de Savigneo grants all his rights he had in the land. - Paris, Archives nationales, S, 5001 B, no. 35. - Original parchment with seal in green wax. Seal with arms with lion + SIGILLUM I(ohannis com)ITIS VINDOCINII, back side two angels with a cross CONTRAS' COM. VINDICINII. - Edition in Chartes Vendomoises, No. CLXXXVII, pp. 225-26.

De Cheneneriz.

Johannes, comes Vendocini, omnibus praesentem paginam inspecturis, salutem.

Accedentes ad nos fratres militiae Templi cum proborum virorum testimonio et in rei veritate nobis fecerunt intelligi quod pater noster, dominus scilicet Gaufridus de Lavardino, vir bone memorie, in Jherosolimitanis partibus inopina infirmitate gravatus, duas carrueiras terre in territorio Savigneii, Dei amore et pro remedio anime sue, domui Templi de Vindocino et fratribus ibidem degentibus dederat et in perpetuam elemosinam concesserat, petentes humiliter ut illam terram domui predicte in loco assignaremus competenti.

Quorum petitioni benigne et amicabiliter assentientes, pro predictis duabus carrueiis terre dicte domui dedimus et assignavimus totam terram illam, quam tenebus in proprio, ultra sepem in Chenevriz, quam terram concessimus cum tota justicia et dominio ejusdem terre ad nos pertinente, prefate domui et fratribus ibidem degentibus quiete et pacifice in perpetuum possidendam.

Sciendum preterea quod Petrus, major de Savigneo, omne jus quod habebat in predicta terra in nostra presentia constitutus domui concessit prefate.

Quod ut ratum sit et stabile, presentes litteras dicte domui super hoc habendas indulsimus, nostri sigilli munimine roboratas. Datum anno gratie millesimo ducentesimo decimo.


first adaptation 01.08.2021 Jürgen Sarnowsky / revised 01.08.2021 /
not proofread /
for any comments: send me an e-mail Juergen.Sarnowsky@uni-hamburg.de  (Jürgen Sarnowsky)


Back to the Calendar