1209.08.00.

In nomine dei eterni et salvatoris nostri Jesu Christi Amen. Fredericus divina favente clementia rex Sicilie, ducatus Apulie et principatus Capue.

Cum universa, que pietatis intuitu conferuntur, apud dominum habeant stabile firmamentum, illud specialius eternas nobis promeretur divitias, quod locis et personis religiosis benignius impertimur. Inde est, quod nos attendentes religionem et honestatem fratris Guilielmi Aureliensis, domorum Templi in Sicilia preceptoris, considerantes etiam, quod de bonis, que Templariis conferuntur, militibus Templi in ultramarinis partibus in Christi servitio militantibus subvenitur, ad supplicationem comitis Pagani de Parisio dilecti familiaris et fidelis nostri, de gratia quoque et consueta munificentia nostra et pro salute nostra et divorum augustorum parentum nostrorum pie recordatioais, perpetuo concedimus et confirmamus domui templi Messane ad commodum et utilitatem militie Templi in tenimento Paternionis molendinun, quod dicitur de Salinis, terras apud Cardonicum per decem pariclas, terras alias, olivetum et alia, que in instrumento prefati comitis Pagani super hoc Templariis indulto plenius continentur, libere et sine aliquo servitio, quia de servitio, quod exinde curie nostre debetur, idem comes Paganus se et successores suos statuit responsuros.

Ad huius autem concessionis et confirmationis nostre memoriam et inviolabile firmamentum presens privilegium per manus Andree notarii et fidelis nostri scribi et maiestatis nostre sigillo precepimos communiri. Anno, mense et indictione subscriptis.