1205.06.00.

June, 1205.
Godefridus, viscount of Châteaudun, in an open letter: makes known that he has has reached an agreement with the Templars concerning their village Temple close to Mondoubleau. At first, the viscount did not allow the Templars to bring their subjects to different places for obligatory services or to have their own oven in their house except with his special permission. But now he has changed his mind - together with his wife Adelicia - and allows the free employment of the subjects and the Templars' oven under certain conditions, the oven of the Templars even to be used by the inhabitants of the village in the case their own oven is damaged. The Templars may sell their products in their barn, receive food for their animals and wood for their oven.The village Temple shall remain under the same conditions as before the start of the quarrels. - Paris, Archives nationales, S, 5001 B, no. 5. - Chirographum. Original parchment with seal in green wax. - Edition in Chartes Vendomoises, No. CLXI, pp. 195-96.

In nomine Patris et Filii et Spiritus Sancti. Amen.

Ego Godefridus, vicecomes Castroduni, notum facio omnibus tam futuris quam praesentibus, quod praetentio erat inter me et fratres militiae Templi super haec:

Ego dicebam quod fratres militiae Templi non poterant ducere homines suos de Villa Templi ultra voluntatem ipsorum hominum pro aliqua corvea, vel aliqua re alia, extra castellaniam Mondubleii nisi per me.

Dicebam etiam quod dicti fratres Templi non poterant habere furnum infra ambitum herbergagii sui de Templo nisi per me.

De his praetentionibus, assensu et voluntate Adeliciae uxoris meae et concilio praedictae uxoris, facta est propositio pacis in hunc modum, quod ego, ex amore Dei et remedio animae meae, Adeliciae uxoris meae et Gaufridi filii mei et Hugonis patris mei et matris meae et omnium antecessorum meorum, dedi et concessi in perpetuam elemosinam fratribus militiae Templi, quod ipsi poterunt homines suos de villa Templi ducere ubicumque voluerint, sine calomnia mei / vel heredum meorum et quod ipsi fratres Templi poterunt habere furnum infra herbergagium domus suae de Templo solummodo ad panem suum coquendum, ad proprium usum fratrum suorum et familarium suorum.

In illo autem furno nullus homo de villa Templi poterit panem suum decoquere, exepto quod si furte furnus de villa Templi diruatur; quotiens furnus de villa Templi diruetur, totiens homines de villa Templi habebunt licentiam decoquere panem suum in furno domus fratrum per quindecim dies, donec furnus de villa reedificetur.

Idem etiam furnus de curia fratrum habebit chaufagium suum in nemoribus meis sicut et furnus de Villa Templi habet. Idem etiam fratres Templi habebunt fougeriam intra terram et extra terram in nemore meo, quod vocatur Defensum extra parvum curtim, ad usum omnium bestiarum domus suae de Templo, et ad usum viginti vaccarum et decem porcorum domus suae de Arida-Villa.

Habebunt etiam ipsi fratres Templi stalla sua in villa Templi, sine calumnia mei vel heredum meorum, ad omnes cibos ibi vendendos et emendos, ad corporis humani nutrimentum pertinentes , exceptis annonis, equis, jumentus, asinis, bobus, vaccis, porcis et suibus et arietibus et ovibus suis. In praedictis quoque stallis non poterunt alias res vendi quam predictae.

Omnia haec praedicta ego Godefridus vicecomes Castroduni, laudante et gaudente Adelicia uxore mea, dedi et concessi in perpetuam elemosinam fratribus militiae Templi quidquid ibi habuerim, nihilque ibi retinens, praeter praedicta etiam dicto modo terminata. Ego igitur Godefridus volo et concedo quod Villa Templi remaneat in toto statu in quo erst in tempore quo praedictae contentiones inter me et fratres Templi inceperunt, salva pace praetaxata.

Quod ut in perpetuum stabile sit et firmum, impressione sigilli mei presentem cartam confirmari precepi. Datum anno ab incarnatione Domini millesimo ducentesimo quinto, mense Junio.


first adaptation 28.07.2021 Jürgen Sarnowsky / revised 28.07.2021 /
not proofread /
for any comments: send me an e-mail Juergen.Sarnowsky@uni-hamburg.de  (Jürgen Sarnowsky)


Back to the Calendar