1205.02.00.
Philippus, Dei gratia, Francorum rex, universis ballivis et prepositis suis per Normanniam constitutis, ad quos littere iste pervenerint, salutem.
Mandantes vobis precipimus quatinus fratres militie Templi et homines et res eorum in jure suo manuteneatis et deffendatis, et faciatis ut ipsi habeant et in pace teneant omnes redditus suos in potestatibus vestris cum omnibus libertatibus suis et omnes elemosinas suas, sicut illas habuerunt et tenuerunt temporibus Henrici et Ricardi , quondam regum Anglie, et sicut illas habebant quando terra in manum nostram devenit, nec sustineatis eos super hiis indebite molestari.
Actum anno dominice incarnationis Mo CCo quarto, mense Februarii.
first adaptation 05.02.2009 Jürgen Sarnowsky / revised 05.02.2009 /
not proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)
Back to the Calendar