1201.07.31.

Carta de permutatione Petri Marti[ni] Constancia Sancti Petri.

Anno ab incarnatione Domini M.CC.I. pridie kalendas Juni, regnante Philippo rege Francorum,

ego Poncius Martini Constancia et ego Maria eiusdem uxor, nos ambo pariter, bona fide et sine dolo permutamus, et nomine permutacionis tradimus per nos et per nostros tibi R[everend]o Benenutrito et nomine tuo Hospitali Sancti Johannis de Sancto Petro, cui prees et fratribus ejusdem Hospitali, tam futuris quam presentibus, duas pecias terrarum nostrarum alodii, quarum una est supra condaminam(a) Gandalmanni et jungitur a circio terre Dominici Abolenci, a sento Cotarone, ab occidente vie Godegue, alia est in Molanties et ju[n]gitur a circio et ab occidente terre Hospitalis, a vento Bene Vitalis; et accipimus a te et a predicto Hospitali, nomine hujus permutationis, quandam terram Hospitalis vestre que est allodiam, et est supra condaminam Gandalmanni et jungitur ab occidente alteri terre nostre, a vento Jo. Rifardi, a circio vie Canneli et continentur in ea tres eminati.

Et promittimus tibi per stipulationem nos semper jure et judicio defensuros predicto Hospitali et fratribus ejusdem ab omni controversia predictas terras quas vobis nomine hujus permutationis perpetue tradimus et nullo jure de cetero per nos nec per aliquam interpositam personam his prescriptis contra veniemus. Et ego Maria predicta hoc, tactos sancti euvangelii, tibi juro et pro eviccione, et forte in solidum part[ente] contingeret, omnia bona nostra tibi et predicto Hospitali obligamus,

Ego igitur predictus {2} R[everend]us Benenutritus laudo et confirmo per me et per omnes fratres Hospitalis predicte, cui presides, permutationem predictam et trado vobis et vestris et perpetuo concedo predictam terram, quam a nobis tu prefatus Pontius Martini Constancia et uxor tua a nobis accipitis, et promitto vobis per stipulationem quam predictum Hospitale perpetuo defendat vobis et vestris [et] alodium predictam terram, et pro eviccione in forte in solidum vel in partem contigerat, omnia bona predicti Hospitalis et specialiter duas terras predictas, quas a vobis nomine hujus permutationes accipimus, obligo et suppono.

Hujus rei testes sunt Poncius de Albarone, preceptor domus milicie; Pontius Fulcruis frater ejusdem domus, Egidius capellanus, Johannes Lactor, Petrus Gordonis. Et magister Guiraldus notarius, qui utriusque partis mandato hoc scripsit.

___________________________________________

(a) Ms. Adaminam.