1186.04.28.

28 April, 1186.
Pope Urban III to the archbishops, bishops, and other church officials: explains an expression in a bull of Alexander III for the Templars related to the churches and tenth given to the Templars by lay persons. - Valletta, National Library of Malta, Arch. 1128 [olim 1121], 117r. Copy in register, Bullarium rubeum. - Edited: Prutz, Malteser Urkunden, no. 29, p. 43.

Confirmatio quedam de decimis et ecclesiis templi.

Urbanus episcopus servus servorum dei dilectis filiis magistro et fratribus militie templi salutem et apostolicam benedictionem.

Attendentes affectum devotionis et fidei vestre et considerantes, quomodo pro defensione Christiani nominis semper sitis parati et arma militie salutaris induti, vos et domum vestram ad exemplar predecessorum nostrorum Romanorum pontificum diligere volumus et fovere et iura sua, quotinus nobis gratia divina concesserit, integra et inconcussa servare.

Ecclesias sane et decimas, quas moderno tempore a laicis accepistis, in concilio per decreti paginam antecessor noster felicis memorie Alexander papa statuit revocandas. Ne auteni verbum ipsum, modemo scilicet, dubitationem aliquain generaret, illud benigna interpretatione aliquanto post statuit exponendum, ut ita intelligatur, ecclesias et decimas, quas moderno tempore a laicis accepistis, a decem scilicet annis retro ante concilium, illas ergo vobis, quas prius pacifice habebatis, auctoritate apostolica confirmamus et presentis scripti patrocinio consecravimus.

Hec autem interpretatio ex necessitatis terre Jherosolimitane, que ab inimicis crucis Christi plus solito videtur urgeri, consideratione processit nec ab aliquo volumus in exemplum adduci. Nulli ergo hominum etc.

Datum Verone 4. Kal. Maii.

first adaptation 22.07.2022 Jürgen Sarnowsky /
not proofread
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar