1186.02.17.

17 February, 1186.
Pope Urban III to the archbishops, bishops, and other church officials: admonishes them that their priests shall not hinder their parishoners to donate to the Templars. - Valletta, National Library of Malta, Arch. 7, 4. Original. - Edited: Prutz, Malteser Urkunden, no. 30, p. 43-44.

Urbanus episcopus servus servorum dei venerabilibus archiepiscopis, episcopis et aliis prelatis, ad quos littere iste pervenerint, salutem et apostolicam benedictionem.

Quantum sancte ecclesie sacra templi militia ecclesie dei et toti fere christianitati sit utilis et necessaria, tam vicini quam longe positi non ignorant. Per ipsos namque orientalis ecclesia ab inimicis christiani nominis defensatur et peregrinis locum sanctum, in quo pedes domini nostri Jesu Christi steterunt, visitantibus tam in securo conductu quam in aliis eorum necessitatibus multa benefltia ministrantur. Et quoniam sumptus annorum et cetera necessaria eis usque quaque non suppetunt, necessarium est, ut helemosinis ac benetitiis bonorum hominum sustententur et in suis necessitatibus adiuventur.

Verumtamen quidam perversi homines, sicut accepimus, ea que ipsis a peregrinis vel aliis dei fidelibus conferentur, retinere presumunt et suis usibus applicare. Per apostolica itaque scripta universitati vestre precipiendo mandamus, ut si qui de parochianis vestris ausu temerario / {44} id attemptare presumpserint, de ipsis tamquam de sacrilegis plenam iusticiam iisdem militibus faciatis.

Datum Verone XII Kal. Martii.

first adaptation 22.07.2022 Jürgen Sarnowsky /
not proofread
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar