1177.07.

Notum sit omnibus hominibus quod ego Petrus dei gratia Cesaraugustanus episcopus consilio et voluntate canonicorum Sancti Salvatoris Cesaraugustane sedis bono animo et spontanea voluntate damus et concedimus deo et fratribus milicie Templi in manu Arnaldi de Turre Rubea tunc temporis magistri ut faciant ecclesiam ad opus fratrum in loco qui dicitur Ceida ubi nunquam fuit ecclesia, sed postquam a sarracenis fuit dissipatus semper fuit heremus et incultus usque modo quod fratres maximis laboribus et sumptibus excolunt eum.

Et damus eis decimas et primicias illius loci cum suis terminis ut habeant et possideant ea in perpetuum;

Et donent nobis nostrisque successoribus pro recognicione episcopali unum kaficium frumenti et I. kaficium ordei et unam metrecam vini postquam fiunt ibi vinee per unumquemque annum in festivitate omnium sanctorum.

Et si venerint ibi populatores christiani concedimus ut habeant fratres decimas et primicias eorum et de ipsis decimis parrochianorum habeat semper Cesaraugustanus episcopus suam quartam et postea fratres non donent supradictum censum.

Sin autem teneatur sicut scriptum est.

Huius rei sunt testes Bernardus archidiaconus, Petrus sacrista, Adam precentor, Guillelmus de Narbona, Petrus Ximini de Maria, Petrus minor sacrista, Garsias archidiaconus. De laicis Blascho Romeu, Petrus Ortiz, Blascho Maza. Berengarius dei gratia Terragonensis archiepiscopus. Petrus dei gratia Cesaraugustanus episcopus.

Factum est hoc in Cesaraugusta mense julii sub era M. CC. XV.

Johannes notarius jussione domini episcopi hanc cartam scripsit et hoc signum fecit.

Guillelmus de Albensa diachonus qui hoc translatavit et hoc signum fecit.