1169.03.16.

16 March, 1169.
The Bishop of Valencia and the Templars end their controversies on certain points. S. Amand and to the Order. - NLM, Arch. 2, no. 47. Parchment. - Edition in Documents, ed. Delaville, pp. 15-16.

IN : NOMINE : PATRIS : ET : SPIRITUS : SANCTI : AMEN.

Notum sit omnibus hominibus, tam futuris quam presentibus, versatas inter Valeniensem episcopum et fratres Templi multo tempore controversias, anno ab incarnatione M^o C^o XVIII^o, mense Marcio, XVII^mo Kal. Aprilis, in bono pacis et concordie, auctore / Domino, terminatas. Siquidem, convenientibus aput Tortosam domino episcopo et fratribus, dominus episcopus omnes retroactas querelas quas adversus domum habuerat, ut pote de rebis Galterii, canonici sui, de villanis, de casali suo fracto, et si que alie intervenerant, bono animo et spontanea voluntate ob recuperandam fratrum gratiam deposuit ac dimisit, spoponditque se nullam deinceps super his movere questionem. Sic ergo sopitis hinc inde universaliter omnibus querimoniis, sese mutuo in gratiam ac benevolentiam receperunt domnus episcopus et fratres, facti Deo gratias(a) et fratres et amici.

Huic autem reformationi et concordie interfuerunt: domnus P. Antaradensis episcopus(1); Kalo, ejusdem ecclesie archidiaconus; frater Galterus de Berito, preceptor; frater Willelmus de Guirchia; frater Berengarius de Castello Perso; frater Thomas de Marolio; frater Theobaudus de Sancta Scolastica; frater Falco et plures alii.

(a) Sic.
(1) Pierre, bishop of Tortosa, already in office in 1163, cf. S. Paoli, Codice diplomatico, vol. 1, no. xxxix.

first adaptation 05.10.2010 Jürgen Sarnowsky / revised 05.10.2010 /
first draft, not proofread /
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar