1168.12.03.

3 December [1168-1169].
Alexander III to all archbishops, bishops etc.: recommends the Templars and mandates to prevent the priests in the dioceses from interfering against the order. - Valletta, National Library of Malta, Arch. 1128 [olim 1121], 94r. Copy in register, Bullarium rubeum. - Edited: Prutz, Malteser Urkunden, no. 13, pp. 40-41.

De helemosinls et oblationibus.

Alexander episcopus servus servorum dei venerabilibus fratribus archiepiscopis et episcopis etc.

Quantum ad defendendam orientalem ecclesiam et / {41} paganorum feritiam reprimendam Jherosolimitani templi militia sit utilis et neccssaria, discretionem vestram non credimus ignorare. Ipsi enim discipuli Christi et evangelici observatores mandati propria relinquentes et crucem pro Christi nomine, in suo corpore assidue baiulantes pro fratribus animas ponere non formidant, peregrinis loca sancta visitantibus tam in securo conductu quam in multis aliis eorum necessitatibus solatia sumministrant, et quoniam tarn sanctum eorum propositum sacerdotalibus studiis prosequendum est, caritatem vestram monemus et exhortamur in domino et per apostolica scripta vobis injungimus, quatenus eosdem fratres et bona sua iuvare et manutenere curetis et nullam eis injuriam irrogari vel molestiam permittatis.

De parrochianis autem vestris, qui sicut accepimus, contra deum et animarum suarum salutem defunctorum oblationes seu helemosinas eis concessas auferre vel retinere seu quibuslibet aliis modis ipsis injuriam inferre presumunt, cum ab eis requisiti fueritis, remota dilatione districtam justitiani faciatis, vos vero nullara eisdem fratribus injuriam vel molestiam inferatis vel a subditis vestris permittatis inferri.

Datum Beneventi 3 Non. Decembris.

first adaptation 22.07.2022 Jürgen Sarnowsky /
not proofread
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar