1145.07.16

16 July, [1145/1146]
Pope Eugenius III to the archbishops, bishops, and other church officials: recommends the Templars which shall be helped by collections, their donators shall be relieved from the seventh part of their yearly penance, and the Templars shall be allowed services also in areas under interdict. - Valletta, National Library of Malta Arch. 8, 1 Original heavily damaged, lacunae filled by the renewal of the charter by Innocent III in 12 June, 1200. - Edited: Prutz, Malteser Urkunden, no. 1, pp. 26, 37.

Eugenius episcopus servus servorum dei venerabilibus fratribus archiepiscopis, episcopis, abbatibus et universis ecclesiarum prelatis, ad quos littere iste pervenerint, salutem et apostolicam benedictionem.

Milites templi dominici Jerosolimitani novi sub tempore gratie Machabei, abnegantes secula[ria desideria] et propria relinquentes, tollentes crucem suam [secuti sunt] Christum. Ipsi sunt, per quos deus orientalem ecclesiani a paganorum [spurcitia] liberat et christiani nominis inimicos expugnat. Ipsi pro fratribus animas ponere non formidant et peregrinoe ad terram sanctam proficiscentes tam in eundo quam in redeundo ab incursibus paganoruni defensant.

Et quoniam ad tam sanctum et pium opus [explendum eis proprie] facultates non suppetunt, fraternitatem vestram litteris presentibus exhortamur, quatenus, unde eorum sublevetur inopia, per populum vobis commissum collectas facere moveatis. Quicunque vero de facultatibus sibi collatis eis [subvenerit et in tam sancta fraternitate se statuerit] collegam eisque beneficis persolverit, annuatim septimam ei partem injunct[e penitentie confisi de] beatorum apostolorum Petri et Pauli meritis indulgemus. Si vero excommunicatus non fuerit et eum [mori contigerit, ei cum aliis] christianis sepultura ecclesiastica non negetur.

Cum autem fratres ipsius templi, qui ad collectam percipiendam destinati fuerint, in civitatem, castellum vel vicum advenerint, si forte locus iste interdictus sit, in [iocundo eorum adventu pro templi] honore et gratia et eorundem militum reverentia semel in anno aperiantur ecclesie et exclusi[s] excommunicatis divina] servitia celebrentur. Que vero de non excommunicatis eorundem militum fratribus ecclesiastice sepulture [tradendis et] ecclesiis in eorum adventu, excommunicatis exclusis, semel aperiendis a nobis statuta sunt, mandando vobis precipimus, ut per vestras parochias faciatis irrefragabiliter observari.

Preterea fraternitati vestre rogando mandamus, quatenus personas eorum et bona pro caritate beati Petri et [nostra manu]teneatis et nullam eis irrogari lesionem [vel injuriam] permittatis.

Datum Viterbii 18. Kal. Aug [1145/1146].

first adaptation 20.07.2022 Jürgen Sarnowsky /
not proofread
for any comments: send me an e-mail Juergen.Sarnowsky@uni-hamburg.de (Jürgen Sarnowsky)

Back to the Calendar