Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2196-Master 10
--> French version
--> Latin version
Enacted by the chapter general at Rhodes 4 November, 1462.
BNF Ms. franç. 17255, fol. 146r.
Que par l’adeption du magistère tous offices et beneffices que tenoit l’acceptant soient vacans
Combien que par la forme des establissemens, usaiges et coustumes de nostre religion ait esté observé que les frères dicelluy ordre puissent jouir à leurs vies dez offices, bénéfices, bailliages, priorés, castelenies et commanderies par chapitre général à eux ainsi données, non obstant que dicelles ou aucunes ilz paient double responsion ou aultrement, et que licitement compatiblement ilz puissent iceulx tenir avec le magistère, ce non obstant pource que chascun s’efforce de labourer pour obtenir le fruit de son labour pource affin de prouveoir à ung chascun selon les mérites et que ne laboure en vain, non obstant la concession jadiz faicte de la chastelenie d’Emposte au révérend nostre maistre Raymond Zacosta, luy estant commandeur, qu’il l’avoit de tenir à vie par conseil compli confermée, que par l’auctorité de ce présent chapitre luy reconfermons et approuvons, par l’auctorité de ce présent chapitre général ordonnons et establissons que de cy en avant par promocion de quelque aultre à venir prouveu et receu à dignité magistrale tous bénéfices, offices, dignités, comme bailliages, castelenie d’Emposte, commandeate ou quelques aultres que soient possessés par le prouveu, lassoit ce qu’il les doit tenir à sa vie ou aultrement comme se ce soit telz offices ou bénéfices incontinent ledit maistre esleu et mis ondit magistère soient dis et declarées vacans à la collacion de ceulx de qui il appartiendroit, non obstant quelconques choses faictes au contraire.
Version in BNCF Ms. Magl. cl. XXXII, 37, fol. 124v-125r, Italian.