Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2148-Council 1
--> French version
--> Latin version
Enacted by the chapter general at Acre [4 August] 1278.
NLM Arch. 69, fol.10r.
Primo statutum est de comuni assensu conventus, quod quedam cunnia [!] fiant sub nominibus magistri et conventus, quibus cunnis [!] bullentur omnes littere donationum perpetuarum seu ad vitam de consensu conventus faciendarum personis secularibus, religiosis seu ecclesiasticis aliis quibuscumque, ac etiam bullentur eisdem cunnis omnimode vendiciones et permutaciones faciende de consilio conventus et magistri, videlicet de possessionibus et de rebus stabilibus seu inmobilibus, necnon quod supradicta bulla bullentur omnes littere repelliorum et omnium baiuliarum per generale capitulum concessarum ac omnes repellaciones domorum ad vitam fratri de assensu magistri et conventus datarum. Statutum est etiam, quod omnimode obligaciones de consilio magistri et conventus faciende et composiciones ac permutationes de una possessione ad aliam et quecunque procuraciones, quas ad aliquid fore oporteat valituras, bullentur bulla superius expressa. Dicta autem bulla, ut fuit etiam ibidem statutum, sit sub bullis preceptoris Aconis et marescalli ac hospitalarii.
Already edited in Cart., 3, no. 3670, p. 368f., §§1-2 [with mistakes]. Cf. also 1191-Master 5.