Stabilimenta Rhodiorum militum - Synopsis
based on the older manuscript tradition as well as on the French and Latin versions
© Jyri Hasecker, Hamburg / Jürgen Sarnowsky, Hamburg (2007/2022)
2064-Church 31
--> French version
--> Latin version
Enacted by the chapter general at Rhodes 17 November, 1454
BNCF Ms. Magl. cl. XXXII, 37, fol. 82r
Et primo auctoritate presentis nostri capituli generalis confirmamus, approbamus et ratificamus stabilimenta bone memorie predecessorum nostrorum quorumcumque honorem dei ac cultus divini celebrationem concernentia et presertim bone memorie reverendi domini fratris Ioannis de Lastico sacri hospitalis magistri nostri predecessoris confecta per eumdem in suo ultimo generali capitulo de [!] mense Septembris Rodi celebrato anno incarnationis dominice Mcccc[x]lviiii; statuentes et ordinantes, quod dicti quondam Ioannis nostri predecessoris stabilimenta predicta quater in anno in qualibet assemblea quatuor temporum post regulam publice legantur, ne ignorantia sive oblivio per quemquam allegari possit. Quod [read: Ut] quorum premissorum executio(ne) fia(n)t, et fieri debeant et eligi per magistrum et consilium ordinarium duo probi religiosi, qui una cum domino priore ecclesie prefate – sive eius commissario per eundem amodo et deinceps deputando viro probo cappellano – possint et debeant fideliter et diligenter perquirere defectus, si qui erunt, visitare et reparare et circumspicere necessaria et oportuna tam in spiritualibus tam in temporalibus earundem ecclesiarum et cappellarum et omnia, pro ut comperta fuerint, referre in qualibet assemblea dictorum quatuor temporum sine alicuius defectus inventi occultatione. Qui quidem probi viri ad prefatum officium deputati et deputandi sint retenti et retineantur ad manus magistri et sint exempti a sguardiis nocturnis, ut libentius dicto officio vacare valeant. Quorum officium durat per unum annum incipiendo a die electionis et creationis ipsorum et tanto plus temporis, sicut placebit magistro et suo consilio. Et postquam supradicti probi viri sic ut premittitur fuerunt electi, teneantur statim habere inventaria noviter facta, in quibus continue [read: continetur] fundamentum cappellarum et possessiones earundem et omnia ornamenta, res et bona mobilia et immobilia prefatarum ecclesiarum et cappellarum. Et pro eisdem tenere librum et inventaria debeant, [que debeant] in fine eorum officii presentare eisdem magistro et consilio, ut ille et illa consignari valeant in curis probis viris eligendis.