Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1336-Fratres 63
[101v] Consuetudo
lxiii. Declaratio septene et quarantene
Frater, qui erit positus(a) in septena, septem diebus continuis ieiunabit et quarta ac sexta feria ipsorum septem dierum pane et aqua duntaxat vesci debeat, comedetque sedens in terra sine mensa et manutergio in sue confusionis signum. Si vero erit positus in quarantena, quadraginta diebus continuis ieunabit et quarta ac sexta feria dictorum quadraginta dierum pane et aqua tantum vescetur comedens in terra ut supra. Et qui condemnati sunt ad septenam vel quarantena, qualibet quarta et sexta feria debent recipere disciplinam nec debent recedere a suis domibus, sed interesse horis et officiis divinis, deponereque debent arma, quę deferre non possunt
Next Fratres 64 | Back to the Contents