Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1298-Fratres 25
Frater Raymundus Berengarii magister
xxv. Quod frater non ineat confederationem aut se iuramento adigat
[92v] Sancta quidem et illibata obedientia adeo fratrum nostrorum voluntatem astringit, ut eis non liceat quicquam iniussu superioris efficere. Quapropter non licet fratribus nostris aliquo pacto se homagio, confoederatione seu iuramento alicuius modo Hispanie aut aliter sine magistri seu prioris(a) vel castellani Emposte licentia adigere vel astringere nec consilia seu conventicula inire aut facere. Qui vero contrafecerit, poena privationis habitus plectetur, quam si recuperaverit, nihilominus decennio administratione preceptorie seu baiulie gaudere non possit.
Next Fratres 26 | Back to the Contents