Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1264-Priores 15
Frater Philibertus de Nilliacho(a) magister
xv. Qui per visitationem quadriennalem in prioratibus faciendam defectus compertos non adimpleverit, tamquam inobediens tractetur, et si priores non visitaverint, tamquam inobedientes tractentur
In prioratuum visitationibus summa diligentia adhibenda existit, atque defectus per eos compertos corrigi et emendari oportet, ne visitationis norma frustratoria videatur. Ideo, si preceptores visitati defectus et detrimenta in visitatione comperta et per visitatores iniuncta non reparaverint et emendaverint terminoque a visitatoribus prefixo non adimpleverint, preceptoriis priventur, que idoneis fratribus conferantur. Si vero priores aut(b) alii visitatores deputati quadriennalem visitationem non fecerint et compleverint secundum stabilimenti seriem, eo ipso omni iurisdictione priorali suspendantur et inobedientes reputentur, donec per magistrum et conventum provisum fuerit. Ceteri vero contrafacientes tanquam inobedientes reputentur et tractentur.
(b) Venice 1495, Ulm 1496, Salamanca 1534; Ms. ut.
Next Priores 16 | Back to the Contents