Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1254-Priores 5
Frater Elyonus de Villanova magister
v. De registris faciendis per priores
Omni vigilantia et studio nitendum est, ut bona et predia ordinis nostri conserventur et defendantur. Astringuntur itaque priores et caste-[84r]llanus Emposte, ut fieri faciant duo registra de valore omnium domorum, locorum, prediorum et possessionum preceptoriarum sui prioratus tam in capite quam in membris particulariter et nominatim. Quorum registrorum unum mittatur magistro et conventui Rhodi et alterum priores custodiant, de quibus etiam preceptores unum transumptum habeant de his videlicet, que pertinent ad preceptorias, quas possident. Adiicientes, quod etiam priores et castellanus Emposte teneantur facere copias vel transumpta cartarum(a) seu litterarum magni ponderis et comodum religionis concernentium. Que quidem transumpta priores cum dictis registris in loco tutiori et munitiori prioratus reponant, ubi diligenter et accurate conserventur.