Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1238-Baiulivi 36
Frater Petrus Raymundus Zacosta magister
xxxvi. De pręeminentiis cancellarii
Statuimus, ut cancellarius virum doctum et idoneum vicecancellarium habeat cancellarie nostre Rhodi exercitio deptutatum, et vacante vicecancellariatus officio duos viros idoneos et ad ipsum exertitium sufficientes successive magistro et consilio ordinario presentet. Sitque in discretione magistri et consilii sic presentatos vel alios officio vicecancellariatus deputare. Presentabit etiam ipse cancellarius more aliorum baiulivorum conventualium fratres in consiliis completis, sgardiis et electione magistri, in qua de octo linguis fratres xvi intersunt, duo videlicet de qualibet lingua.
Next Baiulivi 37 | Back to the Contents