Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1234-Baiulivi 32
Frater Ioannes de Lastico magister
xxxii. De litteris assignationum(a)
Stabilimus, quod vicecancellarius ordinis nostri sub poena privationis officii non faciat assignationum vel cambii litteras pro fratribus aut secularibus personis citra vel ultra mare, nisi prius de eisdem fuerit deliberatio facta per magistrum et consilium. Et postquam dicte litterę factę fuerint, bullentur in plumbo et registrentur in cancellaria, neque illas vicecancellarius tradat parti, cuius interest, nisi prius data fuerit et subscripta per conservatorem et scribam comunis thesauri sub plica litterarum, et registrentur per scribam. Et ubi aliqua solemnitatum istarum deficeret, habeantur pro nullis. Quibus peractis de licentia magistri et magni preceptoris et procuratorum thesauri parti consignentur.
Next Baiulivi 33 | Back to the Contents