Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1221-Baiulivi 19
Frater Ioannes de Lastico magister
xix. De probis hominibus parve pręceptorie; et quod magnus preceptor defectus corrigat; quodque officiales horrei, volte et parve preceptorie quolibet biennio mutentur
Ad officium parve preceptorie diligentius contemplandum duos probos religiosos superstantes per magistrum et consilium ex diversis linguis deputari iubemus, qui delicta perquirant et magno preceptori significent, quibus illico remedium apponat, aliter ad magistrum et consilium deferantur(a), qui secundum casum emergentiam provident. Amplius officiales horrei, volte, parve preceptorie et elemosyne quolibet biennio mutari mandamus.
Next Baiulivi 20 | Back to the Contents