Stabilimenta Rhodiorum militum - Latin version

based on the manuscript in the National Library of Malta, Archives of the Order of St. John, no. 244

© Jyri Hasecker, Hamburg / Jürgen Sarnowsky, Hamburg (2007/2022)

1196-Magister 10

---

   Frater Petrus Raymundus Zacosta magister
x. Quod per adeptionem magistratus officia et beneficia promoti vacare censeantur

Grave quidem preiudicium ordinis nostri fratribus generari videtur, si promoti ad magistratum beneficia, que prius possident, una cum magistratu retinerent. Ideo stabilimus, quod quandocunque et quotienscunque aliquis ad ordinis nostri magistratum promoveretur, adepto per electionem magistratu eo ipso preceptorie, prioratus, castellanie Emposte, baiuliatus, dignitates et officia, que prius ante magisterii adeptionem possidebat, vacare censeantur. Quorum collatio et provisio devolvatur magistro et conventui Rhodi et secundum formam stabilimentorum et laudabile consuetudines conferantur.

---

Next Magister 11 | Back to the Contents