Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1165-Consilium 18
Frater Baptista de Ursinis magister
xviii. De moderamine magistri et consiliariorum
Ut maturius res et negocia in consiliis agantur, tractentur et deliberentur, eapropter statuimus, quod magister, baiulivi, priores, castellanus Emposte, et qui consiliis intersunt, silentio partes coram ipsis disceptantes earumque rationes et allegationes intelligant et absque aliqua vocis aut sermonis interruptione audiant, ne favor alicui partium dari dignoscatur, quinimmo equalitas erga quemlibet esse videatur. Quod si aliquis prefatorum contrafecerit, pars, que in hoc se(a) lesam senserit, contrafacientem sive magistrum sive alium pro suspecto allegare possit, qui tunc non reddita suspicionis alia causa a consilio illico discedat.
Next Consilium 19 | Back to the Contents