Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1164-Consilium 17
Frater Baptista de Ursinis magister
xvii. De rebus in consilio deliberandis
Stabilimus, quod in consiliis tam ordinariis quam completis, quando de aliqua re agi oportet, antequam ad suffragia danda deveniatur(a), de quo deliberari debeat, in medium proposito quilibet consiliarius ordine non servato pro suo arbitrio allegare, dicere, proponere, quod ad rem pertineat, omni semota [64r] reprehensione valeat. Et cum res peroptime discusse et agitate fuerint, quot opiniones comperientur per suffragium balotarum scrutinium recipiant, et que plures balotas obtinebit, pro sententia et conclusione habeatur. Adiicientes, quod omnes res et negocia, cuiuscumque nature fuerint, que per consilium aut ordinarium aut completum tractabuntur aut deliberabuntur, per scrutinium balotarum concludantur. Alias deliberationes nulle censeantur.
Next Consilium 18 | Back to the Contents