Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1144-Capitulum 8
Frater Baptista de Ursinis magister
viii. Quod nulli fratrum liceat protestari aut appellare(a) de his, que per sexdecim(b) dominos capitulares ordinantur et iudicantur
Ad nonnullorum insolentiam reprimendam, qui iudiciorum subterfugiunt diffinitiones, ut hos, qui ius optimum fovent, expensis et laboribus defatigent, imitati etiam maiorum inveteratas consuetudines, secundum quas xvi viratus capitulares – id est domini sexdecim capitulares –, qui per capitulum iureiurando adacti eliguntur, ut de rebus ordinis nostri tanquam suprema auctoritate fungentes(c) ordinent et disponant, nec enim pro veteri more alicui fratrum ordinis nostri dominorum sedecim, qui etiam potestatem et vim compromissi habere dignoscuntur, statutis, ordinationibus et sententiis refragari convenit, quinimmo omnes his ordinationibus humiliter cervices flectere solent, attamen quidem iuramentum per eos prestitum parvipendentes plerumque contra hanc institutionem agere satagunt in pessimum exemplum et grave incomodum, nisi talium insolentie leges et consuetudines obiicerentur, eapropter [60v] temeritati contumacium(d) obviare cupientes statuimus consuetudinibus antiquis innitentes, quod nulli fratrum ordinis nostri in capitulo generali incorporatorum(e) aut eorum, qui in eo intersunt, quocumque honore aut dignitate fungentium protestari, appellare aut provocare a dominis sexdecim capitularibus aut eorum statutis, sententiis, deliberationibus (f)et ordinationibus(f) contradicere sive refragari quovismodo liceat. Qui contrafecerit, si preceptorias et beneficia possideat, eis eo ipso contrafaciendo privatus(g) censeatur. Si vero conventualis extiterit, ancianitatem incontinenti perdat.
(b) Venice 1495, Ulm 1496, Salamanca 1534; Ms. sedexdecim.
(c) Venice 1495, Ulm 1496, Salamanca 1534; Ms. fungientes.
(d) Venice 1495, Ulm 1496, Salamanca 1534; Ms. contumaciam.
(e) Ms., Venice 1495, Ulm 1496, Salamanca 1534: incorporatarum.
(f) Venice 1495, Ulm 1496, Salamanca 1534; Ms. missing.
(g) Venice 1495, Ulm 1496, Salamanca 1534; Ms. privatis.
Next Capitulum 9 | Back to the Contents