Stabilimenta Rhodiorum militum - Latin version
based on the manuscript in the National Library of Malta, Archives of the Order of St. John, no. 244
© Jyri Hasecker, Hamburg / Jürgen Sarnowsky, Hamburg (2007/2022)
1127-Thesaurus 31
Frater Petrus Daubusson cardinalis et magister
xxxi. De oneribus thesauri solvendis per membra
Ad hoc ordinis institutio studere dignoscitur, ut quilibet post votorum observationem onera publica equa portione supportet. Idcirco statuimus, quod omnes ordinis nostri fratres membra aut predia preceptoriarum, [54r] prioratuum sive castellanie Emposte possidentes iura thesauri imposita et imponenda pro rata et portione valoris dictorum membrorum et prediorum pensionibus preceptoribus reservatis in dicto valore inclusis thesauro exolvant. Declarantes, quod thesaurus, cum dimidie annat? impositio extiterit, medietatem valoris, cum vero quarti impositio fuerit, quartum(a) valoris computata medietate vel quarta, quam thesaurus capit a preceptoribus de pensionibus reservatis sumere debeat. Idest erarium publicum a preceptoribus et pensionariis membrorum medietatem vel quartam aut aliam portionem tempore ordinarie impositionis haud dubio sumere censeatur, ne fraus aliqua impositioni contingat.
Next Thesaurus 32 | Back to the Contents