Stabilimenta Rhodiorum militum - Latin version

based on the manuscript in the National Library of Malta, Archives of the Order of St. John, no. 244

© Jyri Hasecker, Hamburg / Jürgen Sarnowsky, Hamburg (2007/2022)

1123-Thesaurus 27

---

   Frater Baptista de Ursinis magister
xxvii. Quod receptores non capiant lectos aut alia utensilia a spoliis preceptorum morientium

Ad conservationem bonorum thesauri nostri statuimus, quod de cetero receptoribus in prioratibus et castellania Emposte nullo modo liceat de spoliis priorum aut castellani Emposte seu preceptorum vel fratrum morientium in dictis prioratibus et castellania Emposte lectos aut alia utensilia vel res quascumque sumere. Qui contrafecerint, officiis privati eo ipso censeantur ac duplum illius, quod receperunt, thesauro persolvant, quacumque consuetudine in contrarium faciente in aliquo non obstante.

---

Next Thesaurus 28 | Back to the Contents